Գերմանիայի հավաքականի դարպասապահ Մանուել Նոյերը խոսել է 2024 թվականի Եվրոպայի առաջնության 2-րդ տուրի Հունգարիայի հետ հանդիպման մասին։
«Մենք վճռական էինք հաղթել այսօր և կրկին լավ հանդես գալ Շոտլանդիայի խաղից հետո: Գիտեինք, որ Հունգարիան բարդ մրցակից է լինելու։ Մենք գերիշխում էինք և արժանի էինք հաղթանակի այսօր: Մարզադաշտում կարելի էր տեսնել էյֆորիան։ Մարզադաշտերը լցված են ոչ միայն գերմանացի երկրպագուներով, բոլոր թիմերն էլ ունեն շատ երկրպագուներ։ Ուրախ ենք, որ այս մրցաշարում խաղում ենք տանը։
Գերմանիան միշտ եղել է ֆավորիտներից մեկը։ Բայց հիմա մենք պետք է կենտրոնանանք իմ կարծիքով խմբում ամենաբարդ մրցակցի դեմ հաջորդ խաղի վրա»,- Նոյերի խոսքերն է մեջբերում Das Erste առցանց հրատարակությունը։
