«Բարսելոնայի» նախագահ Ժոան Լապորտան դեռևս վճռական է մրցաշրջանի ավարտից հետո հեռացնել ակումբի գլխավոր մարզիչ Չավիին, հայտնում է Marca-ն։
Ըստ աղբյուրի՝ Լապորտան դժգոհ է, որ մարզիչը բավականաչափ չի վստահում թիմին։ «Բարսելոնայի» նախագահը վերջնականապես հասկացել է, որ Չավին չի բավարարում ակումբի պահանջներին մարզչի՝ թիմի տնտեսական վիճակի մասին խոսքերից հետո, ինչի պատճառով թիմը չի կարողացել ուժեղացնել կազմը։
Ֆունկցիոները կարծում է, որ Չավին չպետք է գլխավորի ակումբը հաջորդ մրցաշրջանում։ Լապորտան ցանկանում է ակումբի ղեկին տեսնել մարզիչի, որը լիովին հավատում է թիմին և տիտղոսներ նվաճելու ու Եվրոպայի մեծագույն խաղացողների հետ մրցակցելու նրա կարողությանը:
Չավին, իր հերթին, նույնպես հաստատակամ է մնում հաջորդ մրցաշրջանում կարիերան «Բարսելոնայում» շարունակելու իր ցանկության մեջ:
Հիշեցնենք, որ «Բարսելոնան» մրցաշրջանի ավարտից առաջ 82 միավորով երաշխավորել է երկրորդ տեղը Իսպանիայի առաջնության մրցաշարային աղյուսակում։ Պրիմերայի ընթացիկ մրցաշրջանի վերջին տուրում կատալոնական թիմը կհանդիպի «Սևիլիայի» հետ։
