Ջեյմի Կարագերը կասկածում է, որ որևէ թիմ կբարդացնի «Մանչեսթեր Սիթիի» գործերը՝ Անգլիայի Պրեմիեր-լիգայի չեմպիոնության համար պայքարում։
«Մինչ «Մանչեսթեր Սիթին» մոտենում է թրեբլին, Պրեմիեր լիգայի մնացած հատվածը անհարմար իրողության է բախվում: Մինչ Պեպ Գվարդիոլան մարզում է «Սիթին», մյուսները պայքարում են երկրորդ տեղի համար։
«Սիթին» կարող է երրորդ անընդմեջ տիտղոսը նվաճել, եթե հանգստյան օրերին հաղթի «Չելսիին»: Իսկ նախամրցաշրջանային ցանկացած տրամաբանական կանխատեսում հիմնված կլինի այն բանի վրա, որ «Քաղաքայիները» 2024 թվականին 4-րդ անընդմեջ տիտղոսը կնվաճեն։ Չնայած այս մրցաշրջանում «Արսենալի» կողմից առաջադրված մարտահրավերին, ոչ ոք նույնիսկ մոտ չէ «Սիթիին», և դժվար է պատկերացնել, որ ամառվա ընթացքում որևէ մեկը կկարողանա հավասարեցնել այդ տարբերությունը:
Հակառակորդները կասեն, որ գերակայության հիմնական պատճառը «Սիթիի» սեփականատեր Շեյխ Մանսուրն է: Եվ ասել, որ Աբու Դաբիի ռեսուրսները հիմնական գործոնն են և հսկայական առավելություն, կլինի թերագնահատում:
Բայց դա չի փոխում այն փաստը, որ խաղադաշտում մենք տեսնում ենք Գվարդիոլայի տեսլականի իրականացումը։ Նա ստեղծել է թիմ, որը հետևողականորեն մատուցում է որակ, որը մենք նախկինում չենք տեսել»,- ասել է «Լիվերպուլի» նախկին պաշտպանը:
