Հայաստանի ազգային հավաքականի գլխավոր մարզիչ Խոակին Կապառոսը Չեռնոգորիայի հետ վաղը կայանալիք ընկերական խաղից առաջ լրագրողների հետ հանդիպման ժամանակ կիսվել է սպասելիքներով.
Ընկերական խաղերում մրցակիցների մասին
«Երբ ընտրեցինք այս թիմերին, հաշվի առանք այն, որ որ նրանք խաղաոճերով նման են Ազգերի լիգայում մեր մրցակցիներին: Մենք պետք է կարողանանք մրցակցել այդ թիմերի դեմ, ովքեր առաջին հերթին ֆիզիկական բարձր պատրաստվածություն ունեն: Այդ թիմերի գրեթե բոլոր ֆուտբոլիստները հանդես են գալիս Եվրոպայի ուժեղագույն առաջնություններում, ուզում ենք ստուգել և հասկանալ, թե մենք ինչի ենք ունակ: Ու նաև ուզում ենք տեսնել մեր նոր տղաներին խաղադաշտում: Դա մեզ չի հերիքում»:
Հարոյանի մարզավիճակի և «Կադիսում» նոր մարզչի հետ հարաբերությունների մասին
«Հարոյանը լավ մարզավիճակում է, քանի որ Իսպանիայում ֆուտբոլիստների առջև մեծ պահանջներ են դրվում: Ֆուտբոլիստը պարզապես չի կարող թուլանալ: Հարոյանը շատ լավ վիճակում է ներկայացել հավաքական: Ինչ վերաբերում է նոր մարզչի հետ աշխատանքին, ապա ասեմ՝ Հարոյանը շատ մոտիվացված է և շատ լավ է մարզվում: Երբ մարզիչը որոշի նրան ընդգրկել հիմնական կազմում, պետք է տեսնի որ Հարոյանը պատրաստ է 100 տոկոսով»:
Արթուր Սերոբյանի մասին
«Շնորհիվ իր տաղանդի՝ նա հրավիրվեց հավաքական: Ինչպես նաև Ստյոպան: Պետք է ադապտացվեն այսքան բարձր մակարդակի հանդիպումներին և պահանջներին: Դա մեզ համար շատ նպաստավոր է, քանի որ բացի նրանից, որ երիտասարդներին ենք ընդգրկում հավաքականում, նաև ավելի փորձառուները սրանից հետո ավելի զգոն կլինեն: Բնականաբար մենք տաղանդավոր ֆուտբոլիստների կարիք ունենք»:
Հայտացուցակն ընտրելու չափորոշիչների և առաջիկա խաղերում դրվելիք գլխավոր նպատակների մասին
«Հետևում ենք երիտասարդ ֆուտբոլիստներին ազգային առաջնությունում: Այն տղաներն, ովքեր ընդգրկվել են հավաքականում, աչքի են ընկնում իրենց թիմերում ու վստահ եմ՝ առաջիկայում օգտակար կլինեն հավաքականին: ՀՖՖ-ն մշակել է մի ծրագիր, որի շրջանակում մենք աշխատում ենք երիտասարդների հետ: Այսօր երկու երիտասարդ նորեկ ունենք, բայց նաև այն տղաները, որոնց հետ ևս աշխատում ենք,հետագայում եթե համապատասխան աճ գրանցեն, կընդգրկվեն հավաքականի կազմում: Սա հիանալի նախագիծ է, որն իրականացնում է ֆեդերացիան»:
Հենրիխ Մխիթարյանի բացակայության մասին
Հավաքականից հեռանալը Հենոյի անձնական որոշումն էր: Մենք բոլորս գիտակցում ենք նրա տաղանդը , գիտենք, թե նա ինչ է եղել ու ինչ է շարունակում մնալ հավաքականի համար: Հենոն իր տունն ունի՝ հանձին Ֆուտբոլի ֆեդերացիայի: Իսպանիայի հավաքականում նման իրավիճակներ ես շատ եմ տեսել, որի կազմում աշխարհի չեմպիոններ էին հանդես գալիս՝ Չավին, Ինյեստան … ովքեր եկավ մի պահ, որ պետք է հեռանային հավաքականից: Ինձ համար մեծ հաճույք էր նրա հետ աշխատելը: Ի՞նչ ենք անելու առանց Հենո. արդեն փորձ ունենք առանց Մխիթարյանի խաղեր անցկացնելու: Կարևորն այն է, որ թիմը շարունակի աճ գրանցել և առաջադիմել իր խաղային որակներով:
Նոր ավագի ընտրությունը կախված է ֆուտբոլիստներից, կարող է լինել Վարազդատ Հարոյանը կամ էլ Գեւորգ Ղազարյանը»:
Երիտասարդների մասին
«Շատ գոհ եմ նրանից, որ հավաքականի կազմում ներգրավում ենք երիտասարդ ֆուտբոլիստների: Սա է կյանքը: Մեր խնդիրն է այնպես նպաստել երիտասարդների աճի,որ հետագայում նրանք մրցունակ լինեն միջազգային ասպարեզում»:
Սարգիս Ադամյանի և Լուկաս Սելարայանի բացակայության մասին
«Կարծիք կա որ նրանք ձևացրե՞լ են, թե վնասվածք ունեն. համաձայն չեմ: Դա բոլորովին չի համապատասխանում իրականությանը: Երկուսն էլ շատ մեծ ցանկություն ունեին միանալու հավաքականին: Խոսել ենք նրանց և նրանց բժիշկների հետ: Շատ կուզեինք, որ մյուս մրցափուլում արդեն միանային հավաքականին: Բոլորդ ճանաչում եք Ադամյանին: Նա շատ նվիրված է ազգային թիմին ու շատ ջերմ հարաբերությունների մեջ է թիմակիցների հետ: Լուկասն էլ է նվիրված ու շատ մեծ ցանկություն և խանդավառություն ունի հետագայում հավաքականում խաղալու»:
