«Բարսելոնայի» նախկին գլխավոր մարզիչ Էրնեստո Վալվերդեն կիսվել է կատալոնական ակումբում անցկացրած իր հիշողություններով։
«Մենք երկու անգամ հաղթեցինք Լա Լիգան, և դա լավ արդյունք էր, բայց որոշ մարդկանց համար դա երբեք բավարար չէ:
Ես այնտեղ անցկացրել եմ 2.5 տարի, և երեք անգամ էլ մենք Չեմպիոնների լիգայի խմբային փուլն ավարտել ենք առաջին տեղով։ Վերջին խաղերում մենք ստիպված չէինք լարվել:
Լավ է, երբ դա տեղի է ունենում: Ես և թիմը գնահատեցինք դա, բայց այլ մարդիկ բոլորովին այլ խնդիր են: Բայց մենք գնահատեցինք դա, քանի որ մեզ համար հեշտ չէր, իսկ հիմա … Դուք, տեսնում եք՝ ինչ է կատարվում.
Ես այս ամենին հետևում եմ կողքից։ Երբ հեռանում ես այնպիսի ակումբից, ինչպիսին «Բարսելոնան» է, քեզ ավելի շատ ժամանակ է պետք հանգստանալու համար։
Ես երկար ժամանակ եմ մարզել։ Ինձ ժամանակ էր պետք»,- ասել է Վալվերդեն Libero-ին:
Վալվերդեի գլխավորությամբ կատալոնական ակումբը երկու անգամ հաղթել է Լա Լիգայում, նվաճել Իսպանիայի գավաթը և Սուպերգավաթը։
Նա հեռացվեց այն բանից հետո, երբ «Բարսելոնան» չկարողացավ դուրս գալ Իսպանիայի Սուպերգավաթի եզրափակիչ՝ կիսաեզրափակիչում պարտվելով Մադրիդի «Ատլետիկոյին»: Լա Լիգայում այդ պահին թիմը 1-ին տեղում էր՝ ունենալով «Ռեալի» հետ հավասար միավորներ և լրացուցիչ ցուցանիշներով առաջ անցնելով մադրիդյան ակումբից։
