«Լիվերպուլի» գլխավոր մարզիչ Յուրգեն Կլոպը Չեմպիոնների լիգայի 5-րդ տուրի «Այաքսի» հետ խաղի նախօրեին խոսել է վնասվածք ստացած Տրենտ Ալեքսանդր-Առնոլդի ու Տիագո Ալկանտարայի մասին:
«Իրավիճակը հեռու է իդեալական լինելուց, բայց օգնության սպասելու տեղ չկա, և դա ոչ միայն մեր, այլ ընդհանրապես ֆուտբոլի մասին է: Քանի դեռ մենք ունենք 11 խաղացողներ խաղադաշտ դուրս բերելու հնարավորություն, մենք պայքարելու ենք ամբողջ ուժով: Դա հենց այդպես է:
Ալեքսանդր-Առնոլդը դեռ վերականգնվում է վնասվածքից, և ամեն ինչ շատ լավ է թվում: Այն, ինչ ես տեսա այսօր, Տրենտը մոտ է կազմ վերադառնալուն:
Ինչ վերաբերում է Ալկանտարայի վնասվածքին, ես չգիտեմ, թե որքան է նա մնալու հիվանդանոցում, կարծում եմ ՝ դա մի քանի շաբաթվա գործընթաց է:
Կարծում եմ ՝ «Այաքսը» այս փուլում ամենավտանգավոր մրցակիցն է: Ամստերդամում կայացած հանդիպումը [1: 0 հօգուտ Լիվերպուլի] իսկական պայքար էր: Մենք բնավորություն և վճռականություն ցուցաբերեցինք խաղն ավարտին հասցնելու համար, բայց դա իսկապես լավ խաղ էր արժանի մրցակիցների հետ:
Այսօր երեկոյան ես նման բան եմ սպասում: «Այաքսը» խաղադաշտ դուրս կգա մեծ մոտիվացիայով ու հաղթելու ցանկությամբ: Նրանք լավ պատրաստված կլինեն և խաղի հստակ պլանով: Մենք չպետք է հանգստանանք, պետք է կենտրոնացած լինենք բոլոր 90 րոպեների ընթացքում և ավելացված ժամանակում։
Ես ուրախ եմ երկու հազար հաջողակ մարդկանց համար, ովքեր կկարողանան կրկին ֆուտբոլ դիտել խաղադաշտից: Մենք չենք խոսում որևէ առավելության մասին կամ հակառակը: Դա պարզապես լավ նշան է, որ ամեն ինչ հնարավոր է: Հուսով եմ, որ սա կլինի առաջին քայլը », — Կլոպին է մեջբերում ՈւԵՖԱ-ի մամուլի ծառայությունը:
«Լիվերպուլ» — «Այաքս» հանդիպումը կկայանա դեկտեմբերի 1-ին, սկիզբը ՝ Երևանի ժամանակով կեսգիշերին։
Adjarabet բուքմեյքերական ընկերությունը «Լիվերպուլի» հաղթանակը գնահատում է 1,80 գործակցով, ոչ ոքին՝ 4,20, իսկ «Այաքսի» հաղթանակը՝ 4,35։