Հայաստանի ըմշամարտի ֆեդերացիան 4.100.000 դրամ է փոխանցել Հայաստան համահայկական հիմնադրամին: Այս մասին տեղեկացնում է ֆեդերացիայի մամուլի ծառայությունը:
«Հայաստանի ըմշամարտի ֆեդերացիան՝ ըմբիշների, մարզիչների, մարզաձևի վետերանների և ֆեդերացիայի անձնակազմի անունից 4.100.000 դրամ է փոխանցել «Հայաստան» համահայկական հիմնադրամին:
Այս տեսակ օգնությունը լինելու է շարունակական:
Մենք ամուր կանգնած ենք մեր զինվորների թիկունքին»,-ասված է պաշտոնական հաղորդագրության մեջ:
Հիշեցնենք, որ սեպտեմբերի 27-ի առավոտյան, Ադրբեջանը Արցախի ուղղությամբ հարձակում է սկսել, որը շարունակվում է մինչ այժմ: Հրետակոծվում են նաև խաղաղ բնակավայրերը, այդ թվում` մայրաքաղաք Ստեփանակերտը։
Հայաստանի Հանրապետությունում հայտարարված է ռազմական դրություն և ընդհանուր զորահավաք:
