«Բարսելոնայում» չեն դիտարկում Պատրիկ Կլյուվերտին Կիկե Սետյենի պաշտոնում նշանակման տարբերակը: Այս մասին հաղորդում է Diario Sport-ը:
Բացառված է, որ նա մոտ ժամանակներս կգլխավորի կատալոնական ակումբը: Ավելի վաղ Կլյուվերտի՝ «Բարսելոնան» գլխավորելու մասին լուրը հաղորդել էր Mundo Deportivo-ի լրագրող Քրիստինա Կուբերոն:
Բանն այն է, որ 2014 թվականից Կլյուվերտը չի մարզել, այլ զբաղվել է ադմինիստրատիվ աշխատանքով. եղել է ՊՍԺ-ի քարտուղարը, իսկ հիմա «Բարսայի» ակադեմիայի տնօրենն է: Այնպես որ ղեկավարությունում ոչ ոք նույնիսկ չի դիտարկում նրա տարբերակը:
Կուբերոն գրել էր, որ թիմի հանդերձարանում բոլորն ուզում են Կլյուվերտին տեսնել թիմի ղեկին, սակայն Diario Sport-ը հերքում է՝ նշելով, որ դա իրականությանը չի համապատասխանում: Պարբերականը նշում է, որ ակումբը դիտարկում է Լորան Բլանի թեկնածությունը:
