«Բավարիայի» նորեկ Լերոյ Սանեն պատմել է, թե ինչպես են անցել իր առաջին օրերը մյունխենյան ակումբում։
«Այսօր մեզնից մի քանիսը խմբակային մարզում անցկացրին, ու ես տղաներից մի քանիսի հետ ծանոթացա։ Առաջին օրերը շատ լավ են անցել, բոլորն ինձ հիանալի ընդունեցին։ Խաղացողներից ոմանց ազգային թիմից եմ ճանաչում։
Վերջիվերջո տրանսֆերը շատ արագ ստացվեց։ Խոսեցի Հասանի հետ (Սալիհամիջիչ, «Բավարիայի» մարզական տնօրեն), ու մենք արագ համաձայնության եկանք։ Այնպես որ ամեն ինչ շատ արագ ստացվեց։ Եվ քանի որ սա տեղի ունեցավ նախքան ՉԼ-ի վերսկսումը, կարող եմ առանց սթրեսի հարմարվել։
Ամենից շատ ինձ Կիմիխն էր նյարդայնացնում։ Սիրում էր զանգել ինձ գրեթե ամեն օր՝ իմանալու վերջին նորությունները»,- Սանեի խոսքերն է փոխանցում «Բավարիայի» թվիթերյան էջը։
Սանեն «Բավարիա» էր տեղափոխվել «Մանչեսթեր Սիթիից» հուլիսի սկզբին 45 մլն եվրոյի դիմաց՝ ըստ Transfermarkt-ի։