Երկու քաշային կարգերում UFC-ի նախկին չեմպիոն Քոնոր Մաքգրեգորը առաջին հարցազրույցն է տվել այն բանից հետո, երբ կարիերան ավարտելու մասին ինֆորմացիան հայտնվեց նրա թվիթերյան էջում: Իռլանդացին նշել է իր հեռանալու պատճառը, որն իր կարիերայի մեջ արդեն երրորդ անգամ է: Քոնորը ցանկանում էր մենամարտ անցկացնել թեթև քաշային ժամանակավոր չեմպիոն Ջասթին Գեյջիի հետ, սակայն UFC-ն հայտարարեց, որ Գեյջին նախ պետք է պայքարի UFC թեթև քաշային չեմպիոն Խաբիբ Նուրմագոմեդովի հետ:
«Դա պարզապես հույզեր չի առաջացնում ինձ մոտ, և վերջ: Կան շատ սպասելիքներ, բայց ոչինչ տեղի չի ունենում: Ես դիտարկում էի մրցակիցների տարբերակները. իրականում ոչ ոք այս պահին չկա: Ոչինչ ինձ չի ոգևորում:
UFC-ն պետք է շարունակեր գործել: Նկատի ունեմ ՝ ինչո՞ւ նրանք հետաձգեցին Նուրմագոմեդովի մարտը Գեյջիի հետ մինչև սեպտեմբեր: Դուք գիտեք, թե ինչ պետք է տեղի ունենա սեպտեմբերին, բայց այդպես չի ստացվի:
Ես նրանց առջև դրեցի ճիշտ ծրագիրը և մեթոդը: Իսկ նրանք միշտ ուզում են հրաժարվել դրանից, դադարեցնել դա կամ կրկին հետաձգել: Անկախ նրանից, թե ինչ եմ ասում, նրանք միշտ դեմ են, ուզում են իրենց ուժը ցույց տալ: Նրանք պարզապես պետք է կազմակերպեին մենամարտ իմ և Ջասթինի միջև և շարունակել շարժվել առաջ», — մեջբերում է Մաքգրեգորին ESPN-ը:
