Քանի դեռ եվրոպական ֆուտբոլային առաջնությունների մեծամասնությունը դեռ դադարեցված են, միջազգայն մամուլում հայտնվող մարզական նորությունների մեծ մասը առընչվում են առաջիկա տրանսֆերային անցուդարձին։
ArmSport-ը առաջարկում է ծանոթանալ վերջերս ամենաքննարկվող տրանսֆերային շշուկներին՝ համառոտ ֆորմատով։ Այսուհետ մենք ամեն շաբաթ կանդրադառնանք ֆուտբոլիստների տրանսֆերներին առընչվող վերջին նորություններին։
Հայաստանի հավաքականի ավագ և առաջատար Հենրիխ Մխիթարյանը ցանկանում է մնալ Հռոմում: Այս ուղղությամբ արդեն սկսել է աշխատել խաղացողի գործակալ Մինո Ռայոլան: «Նրա ապագան, բացառությամբ հնարավոր աղմկոտ շրջադարձերի, հենց ներկան է՝ Հռոմը»,-գրում է Corriere dello sport-ը։
Անգլիական «Նյուքասլը» և «Էվերտոնը» հետաքրքրված են Մադրիդի «Ռեալի» կիսապաշտպան Խամես Ռոդրիգեսի ծառայություններով:
«Ռեալի» կիսապաշտպան Գարեթ Բեյլը այս ամառ կարող է լքել ակումբը, գրում է OK Diario-ն: Բեյլը դիտարկում է կարիերան շարունակելու երեք տարբերակ։
Tribalfootball-ի փոխանցմամբ՝ ՄՅՈՒ-ն պատրաստ է միանալ ՊՍԺ-ի 32-ամյա հարձակվող Էդինսոն Կավանիի համար մղվող պայքարին, եթե Իգալոն վերադառնա Չինաստան։
Զագրեբի «Դինամոյի» խորվաթ հարձակվող Անտոնիո Մարինը կարող է հայտնվել «Մանչեսթեր Սիթիում», հաղորդում է Mirror-ը։
Gazetta dello Sport-ը գրում է, որ հռոմեացիները հետաքրքրված են Մոսկվայի «Լոկոմոտիվի» հարձակվողական ոճի կիսապաշտպան Ալեքսեյ Միրանչուկի ծառայություններով։
Իտալական «Միլանը» մտադիր է ձեռք բերել «Բայերի» տաղանդավոր ֆուտբոլիստ Պաուլինյոյին, տեղեկացնում է 90min-ը։
Daily Mail․ Անգլիական «Սթոք Սիթիի» հարձակվող Մոհամեդ Սանկոն կարիերան կարող է շարունակել «Տոտենհեմում»։
ՊՍԺ-ի աստղ Նեյմարը պատրաստ է աշխատավարձի զգալի կրճատման գնալ՝ հանուն «Բարսելոնա» վերադառնալու: Այդ մասին հայտնում է Mundodeportivo-ն։ Հաղորդվում է, որ Նեյմարը կհրաժարվի երկարաձգել ՊՍԺ-ի հետ պայմանագիրը բարելավված պայմաններով, որտեղ նա կարող է յուրաքանչյուր մրցաշրջանում 38 միլիոն եվրո վաստակել, որպեսզի կազմակերպի իր տեղափոխությունը կատալոնական ակումբ:
Իտալական «Ռոմայի» հարձակվող Նիկոլա Կալինիչը կարիերան կարող է շարունակել անգլիական «Նյուքասլում», հաղորդում է Daily Mail-ը։
Ըստ La Gazzetta dello Sport-ի՝ ֆրանսիական ՊՍԺ-ն մտադիր է ձեռք բերել «Միլանի» ֆուտբոլիստներ Լուկաս Պակետային և Իսմաել Բենասերին։
Իտալական «Նապոլին» մտադիր է ձեռք բերել «Ֆիորենտինայի» պաշտպան Նիկոլա Միլինկովիչին։ Այդ տեղեկացնում է LA Gazzetta dello Sport-ը։
Daily Mail-ը հայտնում է, որ Մադրիդի «Ռեալի» կիսապաշտպան Իսկոն կարիերան կարող է շարունակել Պրեմիեր լիգայում
«Մանչեսթեր Սիթիի» կիսապաշտպան Կևին Դե Բրույնեն հայտնվել է «Յուվենտուսի» հետաքրքրության ոլորտում:
«Վեսթ Հեմի» կիսապաշտպան Դեկլան Ռայսը կարող է տեղափոխվել Մադրիդի «Ռեալ»՝ առաջիկա տրանսֆերային պատուհանի ընթացքում։
«Ուոթֆորդի» պաշտպան Պերվիս Էստուպինիանը, ով այժմ «Օսասունայի» կազմում է խաղում վարձավճարով, հայտնվել է կատալոնական գրանդի հետաքրքրությունների ոլորտում։
«Յուվենտուսի» կիսապաշտպան Միրալեմ Պյանիչը մրցաշրջանի ավարտից հետո ամենայն հավանականությամբ կտեղափոխվի «Բարսելոնա»: 30-ամյա բոսնիացին կատալոնական ակումբի հետ համաձայնեցրել է 4-ամյա պայմանագիր, հայտնում է Sport.es- ը: Այժմ «Բարսելոնան» և «Յուվենտուսը» պետք է պայմանավորվեն տրանսֆերի շուրջ:
Sport.es․ «Բարսելոնայի» կիսապաշտպան Արթուրո Վիդալը մոտ է «Ինտեր» տեղափոխվելուն:
Լոնդոնի «Արսենալի» գաբոնցի հարձակվող Պիեր-Էմերիկ Օբամեյանգը խոստովանել է, որ կցանկանար հանդես գալ «Ռեալի» կազմում
«Նապոլիի» պաշտպան Կալիդու Կուլիբալին մոտ է կարիերան Անգլիայում շարունակելուն։ Այս մասին հայտնում է Daily Mirror-ը:
«Մանչեսթեր Յունայթեդի» ղեկավարությունը շարունակում է հետաքրքրվել «Վալյադոլիդի» պաշտպան Մոհամեդ Սալիսուի ծառայություններով, գրում է The Sun-ը:
Calcio Mercato-ն հայտնում է, որ իտալական «Սասուոլոյի» հարձակվող Ժերեմի Բոգան հայտնվել է «Նապոլիի» ուշադրության կենտրոնում։
«Բարսելոնան» հետաքրքրված է հոլանդական «ԱԶ Ալկմարի» հարձակվող Մայրոն Բոադյուի ծառայություններով, հաղորդում է Sport.es-ը։
Լոնդոնի «Չելսիի» ֆրանսիացի կիսապաշտպան Տիմուե Բակայոկոն, որը վարձավճարով հանդես է գալիս «Մոնակոյում», կարող է հայտնվել «Միլանում», գրել է Daily Mail-ը։
Անգլիական «Նյուքասլը» ցանկանում է ձեռք բերել «Բարսելոնայի» հարձակվող Ֆիլիպե Կոուտինյոյի տրանսֆերը: Այս մասին հաղորդում է El Mundo Deportivo-ն: Աղբյուրի հաղորդմամբ, բրազիլացի ֆուտբոլիստն, ով այժմ վարձավճարով հանդես է գալիս «Բավարիայում», դարձել է Մաուրիսիո Պոչետինոյի գլխավոր նպատակներից պայմաններից մեկը, որը համարվում է «Նյուքասլի» գլխավոր մարզչի ամենահավանական թեկնածուն: