Բրազիլացի հարձակվող Նեյմարն աջակցության խոսքեր է հղել Լիոնել Մեսսիին՝ արգենտինացի ֆուտբոլիստի հոր՝ Խորխեի մահվան կապակցությամբ։
«Բարսելոնայում» և ՊՍԺ-ում Մեսսիի նախկին թիմակիցը սոցիալական ցանցերում զորակցություն է հայտնել արգենտինացուն և նրա հարազատներին այս ծանր պահին։
«Մեծ ուժ քեզ և ընտանիքիդ։ Ամուր գրկում եմ», — գրել է Նեյմարը արգենտինացի ֆուտբոլիստի հրապարակման մեկնաբանություններում։
Հիշեցնենք, որ այսօր Մեսսին սոցցանցերի իր էջերում ծավալուն և հուզիչ գրառում էր նվիրել հորը, ում մահվան մասին հայտնի էր դարձել օգոստոսի 8-ին:
Ավելի վաղ աշխարհի չեմպիոնին իր զորակցությունն էր հայտնել նաև պորտուգալացի հարձակվող Կրիշտիանու Ռոնալդուն՝ ուժ և տոկունություն մաղթելով Մեսսիի ընտանիքին դժվարին այս ժամանակահատվածում։
