Նվազագույնը 100 միլիոն եվրո. հայտնի է ՉԼ-ում ամենաշատը վաստակած ակումբների յոթնյակը

ՈւԵՖԱ-ի Չեմպիոնների լիգայի ընթացիկ խաղարկությունում յոթ ակումբներ արդեն իսկ գերազանցել են 100 միլիոն եվրո պարգևավճարի շեմը:

Ինչպես հաղորդում է Football Meets Data վերլուծական հարթակը, մրցաշարի կիսաեզրափակիչ փուլի արդյունքներով եկամուտների ցուցանիշով առաջատարի դիրքերը ստանձնել է Մյունխենի «Բավարիան»։

Ամենաշատ պարգևավճար վաստակած ակումբների յոթնյակն ունի հետևյալ տեսքը․

1. «Բավարիա» – 127,3 միլիոն եվրո
2. «Արսենալ» – 124,7 միլիոն եվրո
3. ՊՍԺ – 120,9 միլիոն եվրո
4. «Լիվերպուլ» – 109,5 միլիոն եվրո
5. «Ատլետիկո Մադրիդ» – 104,2 միլիոն եվրո
6. «Ռեալ Մադրիդ» – 102,6 միլիոն եվրո
7. «Բարսելոնա» – 100,3 միլիոն եվրո

Նշվում է, որ Չեմպիոնների լիգայի յուրաքանչյուր մասնակից ՈւԵՖԱ-ից որպես երաշխավորված բազային վճար ստանում է 18,6 միլիոն եվրո։ Պարգևավճարների մնացած մասը հաշվարկվում է՝ հիմնվելով մրցաշարում թիմերի գրանցած արդյունքների և լրացուցիչ ցուցանիշների վրա։ Այդ ցուցանիշների թվում են հեռուստատեսային շուկայի (TV-market) չափորոշիչները, ինչպես նաև եվրագավաթներում ակումբների գրանցած արդյունքները՝ վերջին 5 և 10 տարիների կտրվածքով։