Ֆինալիսիման կարող է անցկացվել երկու հանդիպումո՞վ․ ինչ է հայտնի

Արգենտինայի ազգային հավաքականը քննարկում է Ֆինալիսիմայի խաղարկությունը երկու հանդիպումով անցկացնելու հնարավորությունը։ Այս մասին հայտնում է TNT Sports Argentina-ն։

Ըստ աղբյուրի՝ առաջին խաղը կարող է կայանալ Մադրիդի «Ռեալի» մարզադաշտում՝ «Սանտյագո Բեռնաբեուում», իսկ պատասխան հանդիպումը՝ Բուենոս Այրեսի «Մոնումենտալ» արենայում։

Նշվում է, որ այս պահի դրությամբ դեռևս անորոշություն կա մարտի 27-ին նախատեսված Ֆինալիսիմայի անցկացման վայրի վերաբերյալ։ Որպես այլընտրանքային տարբերակներ՝ մրցաշարը պոտենցիալ կարող են ընդունել նաև Լիսաբոնի և Լոնդոնի մարզադաշտերը։

Հիշեցնենք, որ ի սկզբանե որոշված էր հանդիպումն անցկացնել Կատարի «Լուսաիլ» մարզադաշտում, սակայն անվտանգության նկատառումներից ելնելով՝ այդ տարբերակն այժմ քիչ հավանական է համարվում: