Թուրինի «Յուվենտուսի», Մադրիդի «Աթլետիկոյի» նախկին ֆուտբոլիստ Քրիստիան Վիերին խոստովանել է, որ Իսպանիայի մայրաքաղաքում հանդես գալու ժամանակ ռեժիմ չի պահել.
«Յուվենտուսում» ես իսկական պրոֆեսիոնալ էի, իսկ ահա Մադրիդում մենք զվարճանում էինք ամեն գիշեր: Այդպես անում էին բոլորը: Ես միշտ պրոֆեսիոնալ եմ եղել, բայց, հնարավոր է, այդ ժամանակ մի փոքր ավելի շատ էի զվարճանում: Չնայած սրան, ես մնում էի թոփ-ռմբարկուն: Մենք կարող էինք շատ ուշ հավաքվել ընթրիքին, հետո խմել ու շարունակել զվարճանալ երեկոյան»,- Վիերիի խոսքերն է փոխանցում Goal-ը:
Քրիստիանը 1997-ից 1998 թվականներին է հանդես եկել «Աթլետիկոյի» կազմում: Մադրիդյան թիմի կազմում նա 29 գոլ է խփել:
