«Մանչեսթեր Սիթիի» նորվեգացի կենտրոնական հարձակվող Էրլինգ Հալանդը պատասխանել է այն հարցին, թե արդյոք իրեն տեսնում է աստղային հարձակվողներ Կրիշտիանու Ռոնալդուի և Լիոնել Մեսսիի հետ նույն մակարդակի վրա։
«Ո՛չ, ամենևին էլ ոչ։ Ես նրանցից հեռու եմ։ Ոչ ոք չի կարող մոտենալ նրանց, այնպես որ՝ ո՛չ», – Հալանդի խոսքերն է մեջբերում BBC-ն։
Ընթացիկ մրցաշրջանում 25-ամյա խաղացողը «քաղաքայինների» կազմում մասնակցել է 13 խաղի, խփել 17 գոլ և կատարել 1 գոլային փոխանցում։ Transfermarkt-ը նորվեգացի հարձակվողի տրանսֆերային արժեքը գնահատում է 180 միլիոն եվրո։
