Հայաստանի հավաքականի կիսապաշտպան Էդգար Սևիկյանի հայրը՝ Մարտիրոս Սևիկյանը, «Матч ТВ»-ի հետ զրույցում մեկնաբանել է որդու վարձավճարով տեղափոխությունը հունգարական «Ֆերենցվարոշից» Տոլյաթիի «Ակրոն»՝ նշելով, որ խաղացողի և ակումբի հավակնությունները համընկնում են:
Չորեքշաբթի օրը «Ակրոնը» հայտարարեց Սևիկյանի վարձավճարով տեղափոխության մասին՝ մինչև 2025/26 մրցաշրջանի ավարտը: Պայմանագիրը ներառում է նաև 24-ամյա ֆուտբոլիստի տրանսֆերը գնելու իրավունք:
— Մենք շատ ուրախ ենք «Ակրոնում» հայտնվելու համար: Սա ակումբ է, որն տարեցտարի զարգանում է բոլոր ուղղություններով: Մեծ ազդեցություն ունեցավ մարզչական շտաբի հետ աշխատելու հնարավորությունը, որը սովորեցնում է թիմին խաղալ գրավիչ ֆուտբոլ:
Հաճելի է գործ ունենալ պրոֆեսիոնալների հետ, որոնք ղեկավարում են հավակնոտ «Ակրոնը»: Առաջին հանդիպումից մենք հասկացանք միմյանց, և ակումբի ընտրության վերաբերյալ այլևս հարցեր չմնացին: Մեր և ակումբի հավակնությունները, անկասկած, համընկնում են, այդ պատճառով էլ մենք այստեղ ենք, — ասել է Մարտիրոս Սևիկյանը «Матч ТВ»-ի հետ զրույցում:
Անցած մրցաշրջանում Սևիկյանը վարձավճարով հանդես էր գալիս Մոսկվայի «Լոկոմոտիվում»: Նա մասնակցել է 20 խաղի՝ կատարելով չորս գոլային փոխանցում:
«Ակրոնը» վեց միավորով զբաղեցնում է Ռուսաստանի առաջնության մրցաշարային աղյուսակի 13-րդ հորիզոնականը: Ութերորդ տուրում Տոլյաթիի թիմը սեպտեմբերի 13-ին արտագնա խաղում կմրցի «Կրասնոդարի» հետ:
