«Զենիթը» առաջարկ է արել թուրքական «Ֆեներբահչեին»՝ 32-ամյա կիսապաշտպան Ֆրեդ Ռոդրիգեսին 15 միլիոն եվրոյով գնելու համար։ Այս մասին հայտնել է As Marca-ն X սոցիալական ցանցում (նախկինում՝ Twitter)։
Աղբյուրի տվյալներով՝ թուրքական ակումբը ցանկանում է ֆուտբոլիստի համար ստանալ 15 միլիոն եվրո, գումարած ռուսական թիմի կիսապաշտպան Վենդելին կամ՝ 30 միլիոն եվրո։ Բրազիլացի խաղացողի նկատմամբ հետաքրքրություն են ցուցաբերում նաև «Էվերթոնը», «Ալ-Նասրը», «Ալ-Շաբաբը» և «Ալ-Իթիհադը»։
Ֆրեդը «Ֆեներբահչե» է տեղափոխվել «Մանչեսթեր Յունայթեդից» 2023 թվականի ամռանը։ Կիսապաշտպանը «կարմիր սատանաների» կազմում խաղացել է 2018 թվականից։ Ֆուտբոլիստի ներկայիս աշխատանքային պայմանագիրը թուրքական ակումբի հետ ուժի մեջ է մինչև 2027 թվականի ամառը։ Transfermarkt պորտալում տրամադրված տեղեկատվության համաձայն՝ ֆուտբոլիստի շուկայական արժեքը կազմում է 12 միլիոն եվրո։
