🎥 Նոան հաստատեց․ Պորտուգալիայի բարձրագույն լիգայից՝ Հայաստան

Ինչպես արդեն տեղեկացրել էինք, Բոսնիա և Հերցոգովինայի ազգային հավաքականի պաշտպան Ներմին Զոլոտիչը կարիերան կշարունակի Հայաստանի փոխչեմպիոն «Նոայի» կազմում։

Այսօր՝ փետրվարի 5-ին, «Նոան» պաշտոնապես հաստատեց այդ տեղափոխությունը։

«Մեր պաշտպանական գիծը համալրեց կենտրոնական պաշտպան Ներմին Զոլոտիչը։ Բելգիայի չեմպիոն, Բոսնիա և Հերցեգովինայի կրկնակի չեմպիոն և կրկնակի գավաթակիր։ Ներմինը իր նորամուտը Բոսնիա և Հերցեգովինայի հավաքականի կազմում նշել է 2023-ի նոյեմբերին։

Ներմին, մաղթում ենք հաջողություններ մեր թիմի կազմում և նոր հայկական նվաճումներ «Նոայի» հետ»,- գրված է ակումբի ֆեյսբուքյան էջում։