Կոնֆերենցիաների լիգայի Լիգայի փուլի առաջին տուրում Երևանի «Նոան» «Հանրապետական» մարզադաշտում կընդունի չեխական «Մլադա Բոլեսլավին»։
Այսօր կայացել է երևանյան թիմի գլխավոր մարզիչ Ռուի Մոտայի նախախաղային ասուլիսը։
«Մթնոլորտն ավելի լավ լինել չէր կարող, քանի որ տղաները շատ ոգևորված են և անհամբերությամբ են սպասում առաջիկա խաղին: Մենք քրտնաջան աշխատել ենք, լավ ենք պատրաստվել առաջիկա խաղին: Առավելագույնս մոտիվացված ենք: Իհարկե, լավ ենք վերլուծել մրցակցին, քանի որ ամեն անգամ անում ենք մեր «տնային աշխատանքը»: Հիանալի գիտենք նրանց ուժեղ և թույլ կողմերը ու խաղին պատրաստվել ենք՝ հիմնվելով այդ ամենի վրա: Բայց նաև ուշադրություն ենք դարձրել մեր թիմին, այն ամենին, ինչը մեր թիմի մոտ ամենալավն է ստացվում:
Ակնկալում ենք, որ վաղվա խաղում շատ մրցունակ խաղ ցույց կտանք: Այնպիսի թիմի դեմ, որը դարձյալ հարձակողական ֆուտբոլ է ցուցադրում, ակնկալում ենք, որ գրավիչ ու դրական ֆուտբոլ կխաղանք: Հուսով ենք՝ վաղը խաղում մրցակցից ավելի լավը կլինենք:
Մեր նպատակն ամեն խաղում հաղթանակի համար դաշտ դուրս գալն է, գրավիչ ֆուտբոլ ցուցադրելն ու այս մրցաշարում մեր հետքը թողնելը: Իհարկե, հուսով ենք՝ դա բավարար կլինի հաջորդ փուլ դուրս գալու համար: Մեզ համար շատ լավ է: Ամեն անգամ, երբ խաղում ենք սեփական հարկի տակ, շատ ավելի մեծ վստահություն ենք ունենում, քանի որ խաղում ենք 12-րդ խաղացողի՝ մեր երկրպագուների հետ: Դա մեզ շատ է օգնում: Սեփական հարկի տակ խաղալու հնարավորությունը շատ դրական է մեզ համար»,-ասել է Մոտան:
«Նոա»-«Մլադա Բոլեսլավ» հանդիպումը կկայանա վաղը՝ հոկտեմբերի 3-ին:
