Ֆրանսիայի հավաքականի գլխավոր մարզիչ Դիդյե Դեշամը մեկնաբանել է Եվրո-2024-ի D խմբի 2-րդ տուրի խաղում Նիդեռլանդների հետ ոչ-ոքին (0-0).
«Ցավոք, այս խաղում մեզ չհաջողվեց գոլ խփել: Երկու թիմերն էլ ինտենսիվ ֆուտբոլ ցուցադրեցին, ես գոհ եմ իմ թիմի ցուցադրած խաղից, թեև հիասթափված եմ արդյունավետության և գոլերի բացակայության պատճառով։
Առջևում մենք հիանալի ենք հանդես գալիս, կան շատ դրական կողմեր, բայց ակնհայտ է, որ հաղթելու համար գոլեր են պետք: Պետք է փնտրենք մեր շանսերը և հույս ունենանք, որ հաջորդ խաղում ավելի լավ արդյունքի կհասնենք, որպեսզի հասնենք փլեյ-օֆֆ դուրս գալու նպատակին։
Սակայն ես ավելի անհանգստացած կլինեի, եթե մենք ընդհանրապես շանսեր չունենայինք»,- Դեշամի խոսքը մեջբերում է ՈւԵՖԱ-ի պաշտոնական կայքը։
