«Էվերթոնի» կիսապաշտպան Ամադու Օնանան կարող է կարիերան շարունակել «Բարսելոնայում», հայտնում է Mundo Deportivo-ն։
Ըստ աղբյուրի՝ կատալոնական ակումբից Սերխիո Բուսկետսի հեռանալը մեծ բաց է թողել, որը Օրիոլ Ռոմեուն դեռ չի լրացրել, և այս դիրքում սկսել է խաղալ Անդրեաս Քրիստենսենը։ Այնուամենայնիվ, «Բարսելոնայի» ղեկավարությունը վստահ չէ, որ Քրիստենսենը հաջորդ մրցաշրջանում հիմնական խաղացող կլինի։ Օնանան ընդգրկված է «Բարսայի» շորթ-լիստում, սակայն ակումբը չի կարող 22-ամյա խաղացողի համար մեծ գումար վճարել։
Օնանայի պայմանագիրը «Էվերթոնի» հետ նախատեսված է մինչև 2027 թվականը, իսկ Transfermarkt-ը ֆուտբոլիստին գնահատում է 50 միլիոն եվրո:
Այս մրցաշրջանում կիսապաշտպանը անցկացրել է 29 հանդիպում, դարձել 3 գոլի և 1 գոլային փոխանցման հեղինակ։