Թուրինի «Յուվենտուսի» կիսապաշտպան Նիկոլո Ռովելան կարիերան կշարունակի «Լացիոյում»։ Հռոմեական ակումբը երկու տարով վարձակալել է 21-ամյա իտալացուն՝ ամբողջական տրանսֆերը գնելու հնարավորությամբ։
Ռովելան «Յուվենտուս» է տեղափոխվել 2021 թվականի հունվարին «Ջենոայից»։
Նախորդ մրցաշրջանում նա մասնակցել է Ա Սերիայի երեք հանդիպման թուրինյան թիմի կազմում, իսկ հետո վարձավճարով մեկնել է «Մոնցա», որի կազմում անցկացրել է 27 խաղ։
Ռովելան Իտալիայի երիտասարդական հավաքականի կազմում հանդես է եկել 2023 թվականի Եվրոպայի առաջնությունում։
