«Ատլետիկոյի», «Մանչեսթեր Սիթիի» և Արգենտինայի հավաքականի նախկին հարձակվող Սերխիո Ագուերոն մեկնաբանել է Լիոնել Մեսսիի տեղափոխությունը «Ինտեր Մայամի»:
«Ճիշտն ասած, ես շատ ուրախ եմ, որ Լեոն այստեղ է՝ Մայամիում: Ես ապրում եմ այստեղ և կփորձենք վայելել պահը։ Նրա խաղը շատերը դիտել են միայն հեռուստացույցով, իսկ այժմ Լեոյին ուղիղ եթերում կտեսնեն։ Ես ուզում էի, որ նա գա այստեղ, քանի որ ես այստեղ եմ: Հասկանալի է, որ Լեոն կփոխի MLS-ը։ Նրա պատճառով այլ խաղացողներ կմտածեն այստեղ տեղափոխվելու մասին: Նա կատարյալ խաղացող է այս լիգայի համար, և մյուս խաղացողները նույնպես այստեղ տեղափոխվելու մոտիվացիայի պակաս չեն ունենա»,- Ագուերոյի խոսքերն է մեջբերում TyC Sports-ը:
