Ֆուտբոլի աշխարհի 2030 թվականի առաջնության մրցութային գործընթացը կսկսվի 2023 թվականի երրորդ եռամսյակում, իսկ հյուրընկալողը կնշանակվի 2024 թվականի չորրորդ եռամսյակում:
ՖԻՖԱ-ի խորհուրդը համաձայնել է հետաձգել գործընթացի պաշտոնական մեկնարկը՝ բոլոր շահագրգիռ կողմերի հետ հետագա խորհրդակցությունները թույլ տալու համար: Նպատակն է ապահովել, որ պատմության մեջ հոբելյանական, հարյուրերորդ մրցաշարն անցկացվի պատշաճ մակարդակով։
ՖԻՖԱ-ի խորհուրդը հաստատել է նաև ընդունող երկրի պահանջները, որպեսզի բոլոր շահագրգիռ ասոցիացիաները կարողանան ավելի լավ հասկանալ, թե ինչ է պետք անել մրցաշարն ամբողջությամբ ընդունելու համար անհրաժեշտ ենթակառուցվածքների, իրավական կարգավորումների, բնապահպանական և սոցիալական նպատակներին հասնելու և այլնի առումով:
Տեսակոնֆերանսի ընթացքում հաստատվել է նաև ԱԱ-2026-ի ընտրական մրցաշարի դիրքորոշումը, որը կմեկնարկի 2023 թվականի սեպտեմբերին։
«Հաշվի առնելով, որ աննախադեպ թվով թիմեր (48) կմասնակցեն Աշխարհի առաջնությանը, մրցաշարը մեծ ազդեցություն կունենա համաշխարհային ֆուտբոլի վրա, մանավանդ որ այժմ ավելի շատ երկրներ հնարավորություն կունենան իրենց դրսևորել համաշխարհային ասպարեզում»,- ՖԻՖԱ-ի նախագահ Ջանի Ինֆանտինոյի խոսքերն է մեջբերել կազմակերպության մամուլի ծառայությունը :
ՖԻՖԱ-ի խորհուրդը նաև առաջարկել է Ինդոնեզիան նշանակել 2023-ի մինչև 17 տարեկանների աշխարհի առաջնությունն ընդունելու վայր, Կոլումբիան՝ 2024-ի Մ20 կանանց աշխարհի առաջնությունը, Դոմինիկյան Հանրապետությունը՝ 2024-ի մինչև 17 տարեկան կանանց աշխարհի առաջնությունը և Ուզբեկստանը՝ որպես 2024-ի ֆուտզալի աշխարհի գավաթի հյուրընկալող երկիր:
