📷 Մշակութային բազմազանությունը՝ Կատարի մարզադաշտերում․ ԱԱ-ի երկրպագուները․ ֆոտոշարք

Աննկարագրելի էմոցիաների տոնավաճառը բացվել է․․․ Արդեն մեկ շաբաթ է՝ ամբողջ աշխարհի ուշադրությունը սևեռված է դեպի Արաբական թերակղզի, իսկ ավելի կոնկրետ՝ Կատար։

Աշխարհի տարբեր անկյուններից հարյուր հազարավոր երկրպագուներ հավաքվել են մեկ տեղում, և․․․ եկեք պարզապես տեսնենք, ովքեր են խաղադաշտերում ապահովում բարձր տրամադրությունն ու դրական լիցքերը․․․

⚽ Սենեգալի հավաքականի երկրպագուներին հաստատ ոչ ոքի հետ չեք խառնի․․․

⚽ Այս ԱԱ-ում նիդերլանդացի երկրպագուները բավականին շատ են․․․

⚽ Ֆուտբոլը միավորում է բոլորին․․․ Սենեգալցի և նիդերլանդացի երկրպագուների միասնական լուսանկարը․․․

⚽ Էկվադորի հավաքականի երկրպագուները․․․ առանց մեկնաբանության 😪

⚽ Ուելսի հավաքականի երկրպագուներն ամբողջությամբ կարմիր են ներկել տրիբունաներից մեկը․․․

Գուշակեցի՞ք՝ որ հավաքականի երկրպագուներն են լուսանկարում․․․ 🤔

⚽ Անգլիայի հավաքականի փոքրիկ երկրպագուն․․․

⚽ Իսկ սա արդեն թիմի համեմատաբար տարեց երկրպագուներն են․․․

⚽ Թունիսի հավաքականի երկրպագուները․․․

⚽ Արգենտինայի հավաքականի երկրպագուները Սաուդյան Արաբիայի հետ խաղից առաջ․ նրանք դեռ չգիտեն, թե ինչ մղձավանջ է իրենց սպասվում։

⚽ Իսկ սա արդեն արաբ երկրպագուներն են՝ նույն խաղի ընթացքում․․․

⚽ Ասում են՝ կանադացիները միայն հոկե՞յ են սիրում․․․

⚽ Իվանան 2016 թվականի Միսս Խորվաթիա մրցույթի հաղթողն է․․․

⚽ Իսկ այս երիտասարդը դժվար թե մասնակցել է այդ մրցույթին․․․

⚽ Ավստրալացիները սպասում են հանդիպման մեկնարկին․․․

⚽ Էն որ գցում են ինստագրամ ու գրում՝ “լավ նկար”․․․

⚽ Այո՛, աֆրիկացի երկրպագուներն ամենակոլորիտայիններից են այս ԱԱ-ում

⚽ Իսպանացի երկրպագուները դեռ չգիտեն, որ իրենց թիմը հաղթելու է 7-0 հաշվով և նրանց էմոցիաները տասնապատկվելու են․․․

⚽ Քեյ-փոփերներ ամբողջ աշխարհի, միացե՛ք, ուռա՜-ուռա՜-ուռա՜․․․

⚽ Իսկ սա արդեն ճապոնացի երկրպագուներն են՝ Գերմանիայի հետ պատմական խաղի ժամանակ։

⚽ Ճապոնիայի հավաքականի երկրպագուներից մեկն էլ շնորհակալություն է հայտնում իր տնօրենին՝ երկու շաբաթով արձակուրդ ստանալու համար։ Եթե ճապոնացիները շարունակեն փայլել այս ԱԱ-ում, միգուցե նա խնդրի երկարաձգե՞լ այս արձակուրդը․․․

Եվ վերջում այս առաջնության ամենագեղեցիկ դրվագներից մեկը։

Ճապոնիայի ընտրանու սենսացիոն հաղթանակից հետո հավաքականի երկրպագուներն արդեն իրենց ավանդույթի համաձայն մնացել են մարզադաշտում և հավաքել իրենց թողած աղբը։ Հիշեցնենք, որ նախորդ ԱԱ-ում նրանք ևս աչքի էին ընկել նման օրինակելի պահվածքով։

Ճապոնիայի հավաքականի ֆուտբոլիստներն էլ իրենց հերթին մաքրել են հանդերձարանը։ Ծագող արևի երկրի խաղացողները ոչ միայն մաքրել են սենյակը, այլև որպես նվեր թողել են կռունկների թղթե պատկերներ (օրիգամի):

Ֆուտբոլի Աշխարհի առաջնությունը մեծ տոն է, ֆուտբոլիստները մրցաշար են բերում իրենց խաղաոճը, հմտությունները, մարզիչները՝ նոր տակտիկական մտահղացումները, իսկ երկրպագուները՝ ազգային դեմքն ու մշակութը։ ԱԱ-ն հրաշալի տոն է, մեծ տոնավաճառ, որում խառնվում են բոլոր տեսակի էմոցիաները, երգերը, պարերը և ընդհանրապես՝ մշակույթը․․․ Շարունակեք վայելել այս տոնը․․․

Վար Բաբայան

Կարդացեք նաև՝
📷/🎥 ԱԱ-ի առաջին շաբաթվա լավագույն դրվագները՝ տեսանյութերով և լուսանկարներով