📷/🎥 ԱԱ-ի առաջին շաբաթվա լավագույն դրվագները՝ տեսանյութերով և լուսանկարներով

Արդեն մեկ շաբաթ է, ինչ Կատարում ընթանում է ֆուտբոլի Աշխարհի 2022 թվականի առաջնությունը։ Այս շաբաթվա ընթացքում եղավ ամեն ինչ՝ երկու մեգասենսացիա, գոլազուրկ ոչ-ոքիներ, գոլառատ խաղեր, գեղեցիկ գոլեր․․․ 

Առաջարկում ենք վերհիշել այս շաբաթվա լավագույն դրվագները՝ լուսանկարներով և տեսանյութերով։ Դե ինչ՝ սկսենք․․․

🏆 Բացման արարողությունը

Կատարի մայրաքաղաք Դոհայում պաշտոնապես մեկնարկեց ֆուտբոլի աշխարհի 2022 թվականի առաջնությունը՝ բացման շքեղ արարողությամբ։ Միջոցառման ընթացքում ողջույնի խոսքով հանդես եկավ Կատարի շեյխ Տամիմ բին Համադ Ալ Տանին։ Բացման արարողությունը վարեց Մորգան Ֆրիմանը։ ԱԱ-2022-ի պաշտոնական հիմնը կատարեցին կորեական BTS խմբի ներկայացուցիչ Չոն Չոնգուկը և կատարացի երգիչ Ֆահադ Ալ-Կուբայսին։

🏆 «Հազար ու մի գիշեր» արաբական հեքիաթի նոր գլուխը՝ Կատարի մարզադաշտում․ Սաուդցիները սենսացիոն հաղթանակ տարան Արգենտինայի հետ խաղում․․․

Սաուդյան Արաբիայի հավաքականը տեսանյութ է հրապարակել, որում ցույց է տվել, թե ինչ է խոսել թիմի գլխավոր մարզիչ Էրվե Ռենարը իր խաղացողների հետ ԱԱ-2022-ի Արգենտինայի դեմ խաղի ընդմիջմանը (2:1): Սաուդցիներն առաջին խաղակեսից հետո պարտվում էին 0:1 հաշվով, իսկ երկրորդ խաղակեսում 5 րոպեում երկու գոլ խփեցին։

«Մեսսին ստանում է գնդակը կիսապաշտպանությունում, իսկ դուք կանգնում ու նայում եք։ Այդպես լավ չի, հեռախոսները վերցրեք և նկարվեք նրա հետ»,- հանդերձարանում ասել է Ռենարը։ Տպավորիչ էր նաև արաբ թարգմանչի աշխատանքը՝ որը ևս շատ էմոցիոնալ փոխանցում էր խաղացողներին մարզչի խոսքերը։

⚽ Շաբաթվա լավագույն գոլը․․․

Կարծում եմ` շատերդ կհամաձայնվեք, որ այս շաբաթվա լավագույն գոլը Ռիշարլիսոնի անչափ գեղեցիկ գոլն էր Սերբիայի հետ խաղում․

📷 Իսկ այժմ՝ ամենահետաքրքիր դրվագներն այս մեկ շաբաթվա ընթացքում կայացած հանդիպումներից և մի շարք հետաքրքիր փաստեր։

🤣 Կատարի հավաքականի ֆուտբոլիստը ցույց է տալիս՝ քանի գոլ է Էկվադորը խփել իրենց դարպասը (սա, իհարկե, կատակ է)։

⚽ Նիդերլանդների հավաքականի դարպասապահ Նուպերտն այս մրցաշարում ամենաբարձրահասակ ֆուտբոլիստն է (203 սմ)

⚽ Էներ Վալենսիայի՝ Կատարի դարպասը խփած երկրորդ գոլից հետո թիմը միասին տոնեց այն՝ շրջան կազմելով, ծնկի իջնելով և ձեռքները դեպի երկինք պարզելով: Այս կերպ, ֆուտբոլիստները հարգեցին իրենց նախկին թիմակցի հիշատակը: 2013 թվականին Էկվադորի հավաքականի հարձակվող Քրիստիան Բենիտեսը հեռացավ կյանքից: Նա մահացավ հենց Դոհայում՝ Կատարի մայրաքաղաքում, որտեղ էլ անցկացվել է Կատար-Էկվադոր հանդիպումը: Այդ ժամանակ ֆուտբոլիստը հոսպիտալացվել էր որովայնի շրջանում ունեցած սուր ցավերի պատճառով:

⚽ Ուելսի հավաքականի ֆուտբոլիստներն ավանդույթի համաձայն յուրօրինակ կերպով են դասավորվում՝ թիմային լուսանկար անելիս․

Ի՞նչ կասեք Մակքենիի նոր սանրվածքի մասին․․․ 🤔

⚽ ԱՄՆ-ի հավաքականի ֆուտբոլիստ Թիմոտի Վեան դարձել է իր թիմի դեռևս միակ գոլի հեղինակն այս ԱԱ-ում։ Թիմոտին լեգենդար ֆուտբոլիստ Ջորջ Վեայի որդին է, որը Ոսկե գնդակի մրցանակակիր միակ աֆրիկացի ֆուտբոլիստն է, իսկ այժմ՝ Լիբերիայի նախագահը։

⚽ Իրանի հավաքականի պահեստային նստարանը՝ Ուելսի նկատմամբ տարած հաղթանակից հետո․

⚽ Անգլիայի հավաքականի ֆուտբոլիստներ Բելնգhեմը և Սական․ առաջինն Իրանի ընտրանու հետ խաղում դարձավ գոլի, իսկ երկրորդը՝ դուբլի հեղինակ․

⚽ Մեքսիկացիների դարպասապահ Օչոան կրկին փայլում է հերթական ԱԱ-ում․․․

⚽ Լևանդովկսին՝ 11 մետրանոցն արդյունավետ չիրացնելուց հետո․․․

⚽ Իսկ ահա Սաուդյան Արաբիայի հետ խաղում Լևան վերջապես խփում է իր առաջին գոլն Աշխարհի առաջնություններում․․․ և չի կարողանում զսպել արցունքները․․․

⚽ Մի քանի դրվագ արդեն պատմական դարձած Սաուդյան Արաբիա-Արգենտինա խաղից․․․

⚽ Մեքսիկայի հետ խաղում Մեսսիի գոլն ու գոլային փոխանցումը հաղթանակ է պարգևում արգենտինացիներին։

⚽ Իսկ այս լուսանկարը մրցաշարի մյուս պատմական խաղից է․ Ճապոնիայի հավաքականի ֆուտբոլիստները հաղթեցին ահեղ գերմանացիներին։

⚽ Ճապոնիայի հավաքականի դարպասապահը համոզում է մրցավարին, որ խախտում չկար, բայց իրականում այն կար, և շատ ակնհայտ էր, որ կար։

⚽ Ֆլիկը հավանաբար լուրջ զրույց է ունեցել ֆուտբոլիստների հետ ճապոնացիներին պարտվելուց հետո։

⚽ Կանադայի հավաքականը չնայած մեկնարկային խաղում պարտվեց բելգիացիներին, բայց շատերը սկսեցին համակրել այս թիմին հիանալի խաղի համար․․․ ամեն ինչ դեռ առջևում է․․․

⚽ Իսպանացիներն այս պահին ամենախոշոր հաշվով հաղթանակն են տարել ԱԱ-2022-ում․․․ 7-0` կոստառիկացիների հետ խաղում։

⚽ Ռոնալդուն Գանայի հավաքականի հետ խաղում դարձավ մի շարք ռեկորդների հեղինակ, որոնցից ամենակարևորը՝ նա պատմության մեջ միակ ֆուտբոլիստն է, որը գոլի հեղինակ է դարձել 5 տարբեր Աշխարհի առաջնություններում․․․

⚽ Ռոնալդուն գոլը տոնում է երկրպագուների կողմից մարզադաշտ բերված Մեսսիի պատկերով պաստառի ֆոնին․․․

⚽ Գանայի հավաքականի ֆուտբոլիստն էլ իր հերթին գոլը տոնում է Ռոնալդուի ոճով։ Խաղից հետո նա խոստովանել է, որ Ռոնին իր Կուռքն է և դրանով է բացատրել իր՝ գոլը տոնելու նման ոճը․

⚽ Սա էլ Ռիշարլիսոնի ֆանտաստիկ գոլի դրվագը․․․

⚽ Ավստրալիայի հավաքականի ֆուտբոլիստները երկրպագուների հետ են տոնում իրենց առաջին հաղթանակն ԱԱ-ում։

⚽ Իսկ այս դրվագը ավստրալացիների նախորդ խաղից է․ գոլ խփեցին ֆրանսիացիներին, բայց այդ խաղում պարտվեցին։

⚽ Ֆրանսիացիների կազմում հերոսացավ Ժիրուն․ նա դուբլ ձևակերպեց և հավաքականի կազմում կրկնեց Անրիի ռեկորդը գոլերի քանակով։

⚽ Իսկ սա էլ Մբապեն է․․․

⚽ Մբապեն՝ Դանիայի հավաքականի դարպասը գրավելուց հետո։

⚽ Ուրուգվայն ու Հարավային Կորեան չկարողացան պարզել հաղթողին համառ պայքարում՝ 0-0։

⚽ Ի դեպ, սա Քեյ-փոփի խումբ չէ, Հարավային Կորեայի հավաքականն է․․․

⚽ Կճանաչե՞ք այս տղային առանց դիմակի․․․ Իհարկե ճանաչեցիք, նա Սոնն է, պարզապես խաղում է պաշտպանիչ դիմակով։

⚽ Էմբոլոյի միակ գնդակը հաղթանակ է պարգևում Շվեյցարիային Կամերունի հետ խաղում, բայց ֆուտբոլիստը չի տոնում գոլը, որովհետև նա ազգությամբ կամերունցի է․․․

⚽ Ժամանակին Ալիու Սիսեն Սենեգալի հավաքականի ավագն էր, իսկ Ռիգոբերտ Սոնգը՝ Կամերունի։ Այս ԱԱ-ին նրանք նորից մասնակցում են՝ բայց արդեն իրենց թիմերի մարզիչների դերով։

Խմբային փուլը դեռ նոր է հատել հասարակածը և մեզ սպասվում են էլ ավելի շատ հիանալի էմոցիաներ․․․ Շարունակենք վայելել այս տոնը․․․

Վար Բաբայան