Հայաստանի չեմպիոն «Փյունիկի» 30-ամյակին նվիրված միջոցառմանը ելույթ ունեցավ նաև թիմի գլխավոր մարզիչ Եղիշե Մելիքյանը՝ իր խոսքն ուղղելով երկրպագուներին։
«Ես շատ թիմերում եմ եղել, բայց «Փյունիկն» ինձ համար ուրիշ ակումբ է, ես հասցրեցի սիրել այն, հասցրեցի հաճույք ստանալ, դառնալ չեմպիոն, հասկանալ ինչ է դա։ Ես մի բան եմ հասկացել՝ լինել փյունիկցի նշանակում է լինել ուժեղ, ունենալ հաղթողի հոգեբանություն, լինել միասին և պայքարել։
Մենք ունեցել ենք շատ դժվարություններ և դրանք հաղթահարել ենք միասին։ Ոչ միայն դաշտում, այլև դրա սահմաններից դուրս մենք զգացել ենք բոլորին, ովքեր սրտանց «Փյունիկի» հետ են եղել, մենք դա հիմա էլ ենք զգում։ Կխնդրեմ մեզ հետ լինեք նաև ապագայում, որովհետև շատ հարցեր ունենք լուծելու։ Ուզում եմ, որ միասին լինենք ուժեղ, որովհետև թիմում կարող են լինել միայն ուժեղ մարդիկ, թույլերը միշտ հեշտ կողմն են անցնում։
Շնորհակալ եմ, որ մեզ հետ եք։ Ուզում եմ միասին գնանք առաջ ու հաղթենք։ Առջևում մեծ նպատակներ կան»,- ասաց Մելիքյանը։