Իսպանիայի ոստիկանությունը ձերբակալել է «Այնտրախտի» հինգ երկրպագուների՝ Եվրոպա լիգայի եզրափակչի նախօրեին շոտլանդական «Ռեյնջերսի» երկրպագուների վրա հարձակման համար:
Marca-ի փոխանցմամբ՝ զանգվածային ծեծկռտուք է տեղի ունեցել Սեւիլիայի տաճարի դիմաց։ «Այնտրախտի» երկրպագուների խումբը, որը հարձակվել էր «Ռեյնջերսի» երկրպագուների վրա, կազմում էր մոտ 200 մարդ։
Նշվում է, որ ոստիկանների հետ բախման ժամանակ գերմանական ակումբի երկրպագուները իրավապահների վրա շշեր, սեղաններ ու բռնկիչներ են նետել։
Միջադեպի արդյունքում շոտլանդական ակումբի երկրպագուներից մեկը գլխի վնասվածք է ստացել։
«Այնտրախտ» – «Ռեյնջերս» եզրափակիչ խաղը տեղի կունենա մայիսի 18-ին ու կսկսվի Երևանի ժամանակով 23:00-ին:
