Գեղասահքի օլիմպիական չեմպիոն Ալինա Զագիտովան նկատողություն է ստացել Ռուսաստանի ազգային տնտեսության և պետական կառավարման ակադեմիայի կարգապահական հանձնաժողովի նիստից հետո, հայտնում է Чемпионат-ը։
2020 թվականի օգոստոսին հայտնի դարձավ, որ մարզիկը ընդունվել է ուսումնական հաստատություն «Ժուռնալիստիկայի» ուղղությամբ։
Նրա պրոֆիլն է «պրոդյուսերություն և մշակութային քաղաքականություն»:
Զագիտովան դասերի չհաճախող ու մի քանի առարկաներից ատեստավորում չանցած ուսանողների թվում է։ Զագիտովան և մյուս ուսանողները պետք է շտկեն իրավիճակը մինչև շաբաթվա վերջ, հակառակ դեպքում՝ փաստաթղթեր կներկայացվեն նրանց հեռացման վերաբերյալ։
