ՊՍԺ-ի հարձակվող Մաուրո Իկարդիի գործակալ Վանդա Նարան հայտարարել է ֆուտբոլիստի հետ վերամիավորման մասին։
«Վերջին մի քանի ամիսների ընթացքում իմ հրապարակած լուսանկարները ցույց են տալիս, թե որքան լավն էինք մենք և որքան երջանիկ:
Միջադեպն ինձ մեծ ցավ պատճառեց։ Ամեն օր Մաուրոյից ամուսնալուծություն էի խնդրում։ Երբ նա հասկացավ, որ այլ տարբերակ չկա, ինձ ասաց, որ այսպես չի կարող շարունակվել, և եթե բաժանումը միակ միջոցն է ցավին վերջ տալու, ապա մենք դա կանենք։ Մենք գնացինք փաստաբանի մոտ։ Երկու օր անց Մաուրոն համաձայնեց բոլոր պայմաններին, և մենք ստորագրեցինք պայմանագիրը։
Հաջորդ օրը նա ինձ գրեց այն, ինչ երբեք ոչ ոք չէր գրել. «Ես քեզ տվել եմ ամեն ինչ, դու ամեն ինչ ունես։ Հուսով եմ, որ դու երջանիկ կլինես, քանի որ դա ինձ կուրախացնի»: Եվ հետո ես հասկացա մի բան՝ նույնիսկ ունենալով ամեն ինչ, ես ոչինչ չունեմ, եթե նրա հետ չեմ։
Ես վստահ եմ, որ մեր անցած վատ ժամանակները կուժեղացնեն մեզ որպես զույգ և որպես ընտանիք: Կարևորն այն է, որ մենք երկուսս էլ ունեինք ընտրության հնարավորություն, որը կարող էր վերջ տալ մեր ութամյա պատմությանը: Բայց մենք մեր ընտրությունը կատարեցինք։ Ես սիրում եմ քեզ, Մաուրո Իկարդի»,- գրել է Վանդան։
Посмотреть эту публикацию в Instagram
