Պորտուգալիայի հավաքականն ԱԱ-2022-ի ընտրական փուլի 4-րդ տուրում սեփական հարկի ընդունել է Իռլանդիային ու ֆանտաստիկ հաղթանակ տարել՝ 89-րդ և 96-րդ րոպեներին խփված գոլի շնորհիվ, իսկ գոլերն իր ակտիվում գրանցել է ՄՅՈՒ-ի նորեկ Կրիշտիանու Ռոնալդուն: Հանդիպումն ավարտվել է 2-1 հաշվով հաղթանակով:
Հանդիպման արդեն 15-րդ րոպեին տանտերերը 11-մետրանոցի իրավունք են վաստակել: Գնդակին մոտեցել է Կրիշտիանու Ռոնալդուն, սակայն նրա հարվածից հետո իռլանդացիների 18-ամյա դարպասապահ Գևին Բազունուն հետ է մղել գնդակը: 45-րդ րոպեին աչքի է ընկել իռլանդացիների պաշտպան Ջոն Իգանն ու մինչև խաղավարտ Իռլանդիայի հավաքականի ֆուտբոլիստները կարող են պահել հաղթական հաշիվը … բայց հետո Ռոնալդուն ասել է իր խոսքն այս խաղում. 89-րդ րոպեին նա նախ հավասարեցրել է հաշիվը՝ այդ կերպ դառնալով պատմական նվաճման հեղինակ, իսկ 96-րդ րոպեին դուբլ է ձևակերպել ու հաղթանակ պարգևել իր թիմին:
Պորտուգալիան 4 տուրից հետո վաստակել է 10 միավոր և A խմբի մրցաշարային աղյուսակի 1-ին հորիզոնականն է զբաղեցնում: Իռլանդիան վերջին տեղում է՝ 0 միավորով:
Պորտուգալացին այս կերպ նոր ռեկորդ է սահմանել. նա շրջանցել է Իրանի հավաքականի նախկին հարձակվող Ալի Դաեիին (109) և դարձել աշխարհի լավագույն ռմբարկուն՝ հավաքականների կազմում խփած գոլերի քանակով: Ռոնալդուն Պորտուգալիայի հավաքականի կազմում խփել է իր 110-րդ և 111-րդ գոլերը: