Անգլիայի հավաքականի նախկին ֆուտբոլիստ Գարի Լինեկերը մեկնաբանել է «Լիվերպուլի» գլխավոր մարզիչ Յուրգեն Կլոպի՝ Եվրոպական Սուպերլիգայի մասին ասած խոսքերը․
«Սեփականատերերի մի խումբ փորձում է ֆուտբոլը մասերի բաժանել և հավանական է՝ նորից կփորձի դա անել, իսկ մեզ պարզապես կասեն հանգստացեք և շարժվեք առաջ։
Ես Կլոպի մեծ երկրպագուն եմ, բայց այստեղ կարծում եմ՝ նա զարմանալիորեն խուլ է։ Առանց երկրպագուների մեր հիանալի խաղն այսօր շատ ավելի վատը կլիներ»,- գրել է Լինեկերը Թվիթերի իր էջում։
Կլոպը ԱՊԼ-ի 33-րդ տուրի՝ «Նյուքասլ Յունայթեդի» հետ խաղից առաջ (1-1) լրագրողներին խորհուրդ էր տվել «հանգստանալ և մարդկանց չանհանգստացնել» Սուպերլիգայի թեմայով։
