«Արարատ-Արմենիան» ներկայացրել է ակումբի գլխավոր տնօրեն Պողոս Գալստյանի ամանորյա խոսքը․
«Արարատ-Արմենիա» ֆուտբոլային ակումբի երկրպագուներ, հարգելի ֆուտբոլասերներ,
Իմ և մեր ողջ անձնակազմի անունից շնորհավորում եմ ձեզ՝ գալիք 2020 թվականի կապակցությամբ: Թող նոր տարին լինի սիրո, խաղաղության և հաղթանակների տարի:
«Արարատ-Արմենիա» ֆուտբոլային ակումբն այս տարի պատմություն կերտեց` դառնալով առաջին հայկական ակումբը, որը հանդես եկավ Եվրոպա Լիգայի որակավորման փլեյ-օֆֆ փուլում, ինչպես նաև դարձավ Հայաստանի չեմպիոն և նվաճեց Հայաստանի սուպերգավաթը: Առանց ձեր աջակցության մենք չէինք գրանցի այս արդյունքը: Եկեք գալիք տարում էլ շարունակենք մեր հաղթական և պատմական ուղին և գրանցենք ֆուտբոլային մեծ հաջողություններ:
Շնորհակալ ենք մշտապես մեր կողքին լինելու, մեզ հավատալու և աջակցելու համար: Հուսով ենք գալիք տարում նույնպես կլինեք մեր կողքին ՝ ավելի մեծ եռանդով և հավատով: Մենք կանենք առավելագույնը հաջողության հասնելու և 2020 թվականը մեր հաղթանակների տարին դարձնելու համար:
Շնորհավոր գալիք 2020 թվական:
Հարգանքով՝
Պողոս Գալստյան
