Շվեդ հարձակվող Զլատան Իբրահիմովիչը, որի պայմանագիրը «Լոս-Անջելես Գելաքսիի» հետ ավարտվում է այս տարվա վերջին, կարող է վերադառնալ Անգլիա, որտեղ ավելի վաղ հանդես էր գալիս «Մանչեսթեր Յունայթեդում»:
Football Italia-ն հայտնում է, որ «Նապոլիի» նախկին գլխավոր մարզիչ Կառլո Անչելոտին, որին անցած շաբաթ հեռացրել են իտալական թիմից և վերջին օրերին կապում են «Էվերթոնի» հետ, նորից ցանկանում է աշխատել 38-ամյա ֆուտբոլիստի հետ, որին ծանոթ է ՊՍԺ-ում ելույթներով:
Եթե իտալացի մասնագետը կգլխավորի լիվերպուլյան ակումբը, ապա Զլատանը ևս կարող է համալրել անգլիական թիմի շարքերը:
Ավելի վաղ հաղորդվում էր, որ Իբրահիմովիչի ծառայություններով հետաքրքրված են «Միլանը», «Նապոլին» և «Մոնցան»` Սերիա C-ից:
MLS-ի ավարտված մրցաշրջանում Զլատանը «Լոս-Անջելես Գելաքսիի» կազմում 31 հանդիպման է մասնակցել, որոնցում դարձել է 31 գոլի և 8 գոլային փոխանցման հեղինակ:
