ՀՀ կրթության, գիտության, մշակույթի և սպորտի նախարարությունն անցկացնում է ՀՀ «Տարվա 10 լավագույն մարզիկներ» 2019 թվականի մրցույթը:
Տարվա տասը լավագույն մարզիկները որոշվելու են SMS քվեարկության, նախարարությունում գրանցված ՀՀ հավաքական թիմերի մարզիչների (ՀՀ մարզաձևերի ֆեդերացիաների ներկայացուցիչները) և մրցույթի քվեարկության համար հավատարմագրված լրագրողների քվեարկության արդյունքների համադրմամբ (նշված երեք բաղադրիչներից յուրաքանչյուրը կազմում է մրցույթի ընդհանուր արդյունքի մեկ երրորդ մասը):
Լավագույնների որոշման ընթացակարգին կարող եք ծանոթանալ այստեղ:
ՀՀ ԿԳՄՍ նախարարի հրամանով հաստատված չափորոշիչներին համապատասխան` նախարարության կողմից մրցույթին մասնակցելու համար ներկայացված մարզիկների և ՀՀ մարզաձևերի ֆեդերացիաների (օլիմպիական մարզաձևեր և ոչ օլիմպիական մարզաձևերից ուշու, սամբո և շախմատ) հայտերով ներկայացված մարզիկների անուն-ազգանունների 23 համընկնում է եղել, այսինքն` երկու ցուցակով էլ ներկայացվել են նույն մարզիկները, բացառություն են կազմել ֆեդերացիաների ներկայացրած երկու մարզիկ:
Արդյունքում` ՀՀ «Տարվա 10 լավագույն մարզիկներ» 2019 թվականի մրցույթին մասնակցող մարզիկների անվանացանկը կազմված է 25 մարզիկից:
Ըմբշամարտ. Արթուր Ալեքսանյան, Կարեն Ասլանյան, Սլավիկ Գալստյան, Կարապետ Չալյան, Արսեն Ջուլֆալակյան, Արսեն Հարությունյան
Ծանրամարտ. Ռուբեն Ալեքսանյան, Սամվել Գասպարյան, Դավիթ Հովհաննիսյան, Սիմոն Մարտիրոսյան, Գոռ Մինասյան, Հակոբ Մկրտչյան
Ֆուտբոլ. Հենրիխ Մխիթարյան
Բռնցքամարտ. Հովհաննես Բաչկով, Արթուր Հովհաննիսյան
Մարմնամարություն. Արթուր Ավետիսյան, Արթուր Դավթյան, Վահագն Դավթյան
Սամբո. Դավիթ Գրիգորյան, Տիգրան Կիրակոսյան, Արսեն Ղազարյան, Մաքսիմ Մանուկյան, Գրիգոր Մխիթարյան, Վահագն Չալյան
Ուշու. Արսեն Բաղրյան
