«Մանչեսթեր Սիթիի» նախկին կիսապաշտպան Օուեն Հարգրիվզը նշել է, որ անգլիական թիմին հզոր առաջատար է անհրաժեշտ.
«Վստահ եմ՝ Գվարդիոլան Մեսսիին կհրավիրեր «Մանչեսթեր Սիթի», եթե կարողանար: Բայց նա պետք է ուշադրություն դարձնի նրան, թե ինչ ազդեցություն է ունենում վան Դեյկը «Լիվերպուլի» վրա, և հասկանա, որ հենց նման ֆուտբոլիստ է իրեն ամենից շատ անհրաժեշտ:
Պեպին նոր Կոմպանի է անհրաժեշտ, ոչ թե Մեսսի: Նրան առաջատար է պետք, որը կարող է փոխել խաղի ընթացքը անհրաժեշտ պահին:
Գվարդիոլան իսկական մոտիվատոր է: Դա այն է, ինչը նրան ունիկալ է դարձնում: «Մանչեսթեր Սիթիի» խնդիրն այն է,որ ոչ մի թիմ չի հաղթում Չեմպիոնների լիգայում՝ առանց համաշխարհային մակարդակի պաշտպանության: Տեսեք՝ ինչ թիմ է դարձել «Լիվերպուլը» Ալիսոնի և վան Դեյկի հետ»,- Հարգրիվզի խոսքերն է փոխանցում BT Sport-ը: