Opta վիճակագրական ընկերության սուպերհամակարգիչը թարմացրել է 2026 թվականի աշխարհի առաջնության հաղթողի վերաբերյալ իր կանխատեսումները՝ հիմնվելով 1/8 եզրափակիչի դեռևս կայացած հանդիպումների արդյունքների վրա։
Ըստ նորացված տվյալների՝ Մունդիալի գլխավոր ֆավորիտների ցանկը կրկին գլխավորում է Ֆրանսիայի ազգային հավաքականը, որը 1/8 եզրափակիչում 1:0 հաշվով հաղթել էր Պարագվային։ Սուպերհամակարգչի հաշվարկներով՝ ֆրանսիացիների՝ եզրափակիչ դուրս գալու շանսերը գնահատվում են 44,33 տոկոս, իսկ «եռագույնների»՝ մրցաշարում հաղթելու և ոսկե մեդալներ նվաճելու հավանականությունը կազմում է 28,39 տոկոս։
Ֆավորիտների լավագույն եռյակում են նաև Իսպանիայի և Անգլիայի հավաքականները։ Իսպանացիները, որոնք պայքարից դուրս թողեցին Պորտուգալիային, ունեն չեմպիոն դառնալու 21,75 տոկոս հավանականություն։ Եռյակը եզրափակում են անգլիացիները (18,18 տոկոս), որոնք դժվարին պայքարում առավելության հասան Մեքսիկայի նկատմամբ։
Ստորև ներկայացնում ենք ԱԱ-2026-ի հաղթողի կոչման գլխավոր հավակնորդների տասնյակը՝ ըստ Opta-ի նորացված հաշվարկների.
- Ֆրանսիա – 28,39 տոկոս
- Իսպանիա – 21,75 տոկոս
- Անգլիա – 18,18 տոկոս
- Արգենտինա – 11,69 տոկոս
- Նորվեգիա – 6,79 տոկոս
- Մարոկկո – 4,56 տոկոս
- Կոլումբիա – 3,38 տոկոս
- Բելգիա – 2,79 տոկոս
- Շվեյցարիա – 2,15 տոկոս
- Եգիպտոս – 0,33 տոկոս
