Կատալոնական «Բարսելոնան» դիտարկում է «Չիկագո Ֆայրի» 20-ամյա կենտրոնական պաշտպան Մբեկեզելի Մբոկազիի տրանսֆերը ձեռք բերելու հնարավորությունը: Այս մասին հայտնում է Tuttosport-ը:
Ըստ աղբյուրի տեղեկությունների՝ «կապտանռնագույնների» մարզական տնօրեն Դեկուն ի դեմս այս ֆուտբոլիստի տեսնում է պաշտպանական գծի հեռանկարային ուժեղացում, իսկ գործարքի արժեքը գնահատվում է 10 միլիոն եվրո։
Կատալոնացիների գլխավոր մարզիչ Հանս-Դիտեր Ֆլիկը հավանություն է տվել հարավաֆրիկացու տրանսֆերին։ Գերմանացի մասնագետը մեծ հույսեր չի կապում Ռոնալդ Արաուխոյի և Անդրեաս Քրիստենսենի հետ, ուստի պաշտպանության կենտրոնի համար փնտրում է ոչ թանկարժեք փոխարինողի, որպեսզի պահպանի բյուջեն՝ աստղային հարձակվող ձեռք բերելու համար։
Մբոկազին իրեն վառ է դրսևորել 2026 թվականի աշխարհի առաջնությունում՝ դառնալով մրցաշարի գլխավոր բացահայտումներից մեկը Հարավաֆրիկյան Հանրապետության (ՀԱՀ) հավաքականի կազմում, որը լքեց մունդիալը 1/16 եզրափակիչում՝ 0-1 հաշվով զիջելով Կանադային: Հատկանշական է, որ ակումբների միջև խաղացողների տեղափոխությունը կարող է դառնալ երկկողմանի. այն բանից հետո, երբ Ռոբերտ Լևանդովսկին «Բարսելոնայից» անվճար տեղափոխվեց «Չիկագո Ֆայր», այժմ արդեն կատալոնացիները պատրաստվում են հակառակ ուղղությամբ՝ «Չիկագո Ֆայրից» ձեռք բերել Մբոկազիին։
Նշենք, որ 2026 թվականի սկզբին «Չիկագո Ֆայրը» Մբոկազիին գնել էր հարավաֆրիկյան «Օրլանդո Փայրեթսից» 2,5 միլիոն եվրոյով:
