Բրազիլական ֆուտբոլի լեգենդ Ռոնալդինյոն սոցիալական ցանցերի իր էջերում գրառում է կատարել՝ շնորհավորելով Լիոնել Մեսսիին ծննդյան տոնի առթիվ։ Չորեքշաբթի օրը լրացավ արգենտինացի հարձակվողի 39-ամյակը։
«Ծնունդդ շնորհավոր, Լեո՛ Մեսսի։ Ամուր գրկում եմ, եղբա՛յրս»,- արգենտինացու հետ համատեղ լուսանկարի տակ գրել է Ռոնալդինյոն։
Հիշեցնենք, որ Ռոնալդինյոն և Լիոնել Մեսսին տարբեր տարիների կրել են կատալոնական «Բարսելոնայի» խորհրդանշական 10 համարի մարզաշապիկը։
Այս երկու լեգենդների կարիերան հատվում է նաև մեկ այլ ակումբում՝ փարիզյան ՊՍԺ-ում, որի գույները նրանք պաշտպանել են տարբեր ժամանակահատվածներում։
Ներկայումս Մեսսին ակումբային մակարդակում հանդես է գալիս ամերիկյան MLS-ը ներկայացնող «Ինտեր Մայամիում»։
Այս օրերին աստղային ֆուտբոլիստը գտնվում է Արգենտինայի ազգային հավաքականի ճամբարում և մասնակցում է աշխարհի առաջնությանը։ Նշենք, որ «Ալբիսելեստեն» արդեն իսկ ապահովել է իր տեղը մրցաշարի փլեյ-օֆֆում։
