Աշխարհի 2026 թվականի առաջնության երկրորդ տուրի D խմբի երկրորդ խաղում, ԱՄՆ-ի Կալիֆոռնիա նահանգի Սանտա Կլարա քաղաքի «Լիվայս» մարզադաշտում, Պարագվայի հավաքականը 1-0 հաշվով կարևոր հաղթանակ տարավ Թուրքիայի ընտրանու նկատմամբ։
Հանդիպումը մեկնարկեց հարավամերիկացիների արագ գոլով. արդեն 2-րդ րոպեին Խուլիո Էնսիսոյի փոխանցումից հետո աչքի ընկավ Մատիաս Գալարսան՝ խփելով հանդիպման միակ և հաղթական գոլը։ Առաջին խաղակեսի վերջնամասում՝ 45+3-րդ րոպեին, Պարագվայի հավաքականը բարդ իրավիճակում հայտնվեց. VAR-ի միջամտությունից հետո Միգել Ալմիրոնը կարմիր քարտ ստացավ և հեռացվեց խաղադաշտից։ Չնայած ամբողջ երկրորդ խաղակեսում ունեցած քանակական առավելությանը, Թուրքիայի հավաքականին այդպես էլ չհաջողվեց բեկել հանդիպման ընթացքը կամ գոնե խուսափել պարտությունից։
Այս պարտությունից հետո Թուրքիայի հավաքականը վաստակած 0 միավորով զբաղեցնում է D խմբի վերջին հորիզոնականը։ Քանի որ մրցաշարի նոր կանոնակարգով երրորդ տեղի համար պայքարելու հնարավորություն չկա (Թուրքիան պարտվել է իր անմիջական մրցակիցներին), թիմն այլևս մաթեմատիկորեն զրկվել է փլեյ-օֆֆ դուրս գալու բոլոր շանսերից և ժամանակից շուտ ավարտում է պայքարը Մունդիալում։ Իսկ ԱՄՆ-ի հավաքականը, ունենալով 6 միավոր, արդեն ապահովել է իր տեղը հաջորդ փուլում։
Խմբային փուլի վերջին՝ երրորդ տուրում, որը D խմբի համար նախատեսված է հունիսի 26-ին, Թուրքիայի հավաքականը կմրցի ԱՄՆ-ի, իսկ Պարագվայը ուժերը կչափի Ավստրալիայի ընտրանու հետ։
Հանդիպման գոլը` ԱՅՍՏԵՂ
ԱԱ-2026-ի D խմբի մրցաշարային աղյուսակը՝ ստորև․
