ՈւԵՖԱ Չեմպիոնների լիգայի 2025/26 մրցաշրջանի լիգայի փուլի 7-րդ տուրում Միլանի «Ինտերը» «Սան Սիրո» մարզադաշտում պարտվեց Լոնդոնի «Արսենալին»՝ (1-3):
Խաղի մեկնարկը բուռն ստացվեց․ արդեն 10-րդ րոպեին Գաբրիել Ժեզուսը բացեց հաշիվը, սակայն ընդամենը 8 րոպե անց Պետար Սուչիչը վերականգնեց հավասարությունը։ Այնուամենայնիվ, «զինագործները» շարունակեցին ճնշումը, և 31-րդ րոպեին Ժեզուսը ձևակերպեց իր դուբլը՝ կրկին առաջ մղելով «Արսենալին» և թիմերին ընդմիջման ուղարկելով հյուրերի առավելությամբ։
Հանդիպման ելքը վճռվեց 84-րդ րոպեին, երբ փոխարինման դուրս եկած Վիկտոր Յոկերեսը դիպուկ հարվածով խփեց երրորդ գնդակը՝ եզրափակելով Բուկայո Սակայի փոխանցումը։
Հենրիխ Մխիթարյանը, որն այսօր՝ հունվարի 21-ին, նշում է ծննդյան 37-ամյակը, հնարավորություն չունեցավ դուրս գալու խաղադաշտ և մրցելու իր նախկին թիմի դեմ։
Նշենք, որ լոնդոնյան գրանդը միակ ակումբն է, որը լիգայի փուլում ունի 100 տոկոսանոց արդյունք։
Հանդիպման գոլերը՝ ԱՅՍՏԵՂ
Չեմպիոնների լիգայի մրցաշարային աղյուսակը՝ ստորև․
