ԲԿՄԱ-ի և «Կռիլյա Սովետովի» նախկին պաշտպան Իվան Տարանովը մեկնաբանել է «Կրասնոդարի» ավագ Էդուարդ Սպերցյանի՝ անգլիական «Սաութհեմփթոն» հնարավոր տեղափոխության մասին լուրերը։
«Միայն ժամանակը ցույց կտա, թե որքան հաջող կլինի Սպերցյանի տեղափոխությունը «Սաութհեմփթոն»։ Եթե ֆուտբոլիստն ինքը ցանկանում է փոխել երկիրը և փորձել նոր մարտահրավերներ, դա միշտ տեղին է։ Հնարավոր է, որ ՌՊԼ-ում Էդուարդը հասել է զարգացման որոշակի սահմանագծի։ Ես բազմիցս ասել եմ՝ եթե ֆուտբոլիստը ցանկանում է հեռանալ, չպետք է նրան պահել»,- ասել է Տարանովը «Чемпионат»-ի թղթակից Վլադիսլավ Կրուգլովի հետ զրույցում։
Ավելի վաղ հայտնի էր դարձել, որ կիսապաշտպանը համաձայնեցրել է պայմանագիր Չեմպիոնշիփի ակումբի հետ՝ սեզոնային 1,9 միլիոն եվրո աշխատավարձով։ Պայմանագիրը ներառում է աշխատավարձի բարձրացում, եթե «սրբերը» դուրս գան Անգլիայի Պրեմիեր լիգա։
