«Նեմանի» պաշտպան Յուրի Պանտյան կիսվել է Հայաստանում ստացած տպավորություններով և խոսել իր մարզավիճակի մասին՝ նախքան Կոնֆերենցիաների լիգայի կարևոր հանդիպումը։
– Ի՞նչ առաջին տպավորություններ ունեք։ Նախկինում եղե՞լ եք Հայաստանում։
– Առաջին անգամ եմ Հայաստանում։ Ամեն ինչ հարմարավետ է, թեև եղանակն ավելի շոգ էի պատկերացնում։ Իրականում այն շատ հարմար է։
– Ինչպե՞ս դիմավորեցին Ձեզ։
– Ամեն ինչ լավ էր։ Առավոտյան ժամանեցինք, ավտոբուսն արդեն սպասում էր մեզ։ Հասանք հյուրանոց, տեղավորվեցինք։ Պատրաստվում ենք մարզումների՝ սովորական ռեժիմով։
– Ի՞նչ կասեք ենթակառուցվածքների և մարզադաշտի մասին։
– Դեռ շատ բան չենք տեսել։ Դաշտերն իրար մոտ են՝ և արհեստականը, և հիմնական խաղադաշտը։ Դա, թերևս, շատ հարմար է։
– Ի՞նչ կասեք մրցակցի մասին։
– Վաղը մանրամասն վերլուծություն կլինի, մարզիչները ամեն ինչ կբացատրեն։ Հակիրճ ասեմ՝ նրանք լավ խաղացողներ ունեն։ Ինչ-որ բրազիլացի կա՝ արագ և տեխնիկապես ուժեղ, նաև տաղանդավոր հայ խաղացող։ Ընդհանրապես, հայերը լավ ֆուտբոլ են խաղում։ Մեզ սպասվում է արագ և տեխնիկական խաղ։ Պետք է լավ վազենք։
Հիշեցնենք, որ վաղը՝ հուլիսի 10-ին, Երևանի «Ուրարտուն» կմրցի «Նեմանի» հետ Կոնֆերենցիաների լիգայի որակավորման առաջին փուլի առաջին խաղում։
