«Սպարտակի» նախկին նախագահ Լեոնիդ Ֆեդունի նախկին խորհրդական Ֆրանկո Կամոցցին «РБ Спорт»-ի հետ զրույցում կիսվել է իր կարծիքով «Կրասնոդարի» կիսապաշտպան Էդուարդ Սպերցյանի մասին՝ նշելով նրան առավել հարմար առաջնությունները:
«Կարծում եմ՝ Սպերցյանին առավելապես կհամապատասխանեն Իտալիայի և Իսպանիայի առաջնությունները։ Այդ միջավայրում նա կկարողանա լիարժեք ցուցադրել իր լավագույն որակները։ Սակայն դժվար է ասել, թե արդյոք ներկա պահին եվրոպական ակումբները իրական հետաքրքրություն ունեն նրա նկատմամբ», — նշել է Կամոցցին։
Էդուարդ Սպերցյանը «Կրասնոդարի» սան է և ակումբի հիմնական կազմում հանդես է գալիս 2020/21 մրցաշրջանից։ Անցած մրցաշրջանում նա «Կրասնոդարի» հետ նվաճել է Ռուսաստանի չեմպիոնի տիտղոսը։ Բոլոր մրցաշարերում նա մասնակցել է 34 խաղի, խփել 11 գոլ և կատարել 7 գոլային փոխանցում։ Նրա պայմանագիրը «Կրասնոդարի» հետ գործում է մինչև 2026 թվականի հունիսի 30-ը։
