«Լոկոմոտիվի» նախկին նախագահ Օլգա Սմորոդսկայան կարծում է, որ ակումբը պետք է նոր պայմանագիր կնքի պաշտպան Նաիր Թիկնիզյանի հետ, քանի որ նա շատ կարևոր խաղացող է թիմի համար։
Թիկնիզյանի գործակալ Ալեքսանդր Կլյուևը ավելի վաղ հայտնել էր «Матч ТВ»-ին, որ «Լոկոմոտիվի» հետ բանակցությունները շարունակվում են։ Ֆուտբոլիստի գործող պայմանագիրը նախատեսված է մինչև այս մրցաշրջանի ավարտը։
— Արդյո՞ք Թիկնիզյանը անփոխարինելի խաղացող է «Լոկոմոտիվի» համար։
— Նա շատ կարևոր խաղացող է, և ակումբը պետք է անպայման երկարաձգի նրա պայմանագիրը։
— Պայմանագիրը որքան ժամկետով պետք է երկարաձգվի, և արդյո՞ք պետք է ներառել եվրոպական ակումբների համար գնման հատուկ կետ։
— Դրան կպատասխանի «Լոկոմոտիվը», եթե ակումբը նման մտադրություն ունենա,- ասել է Սմորոդսկայան «Спорт День за Днем»-ի հետ զրույցում։
Թիկնիզյանը այս մրցաշրջանում մասնակցել է 16 հանդիպման ՌՊԼ-ում՝ խփելով 2 գոլ և կատարելով 1 գոլային փոխանցում։
