Հայաստանի Պրեմիեր լիգայում հանդես եկող ակումբներից մեկը մոլախաղով է տարված, այս մասին գրում է մարզական լրագրող, մեկնաբան Արման Աբելյանն իր սոցիալական ցանցերում։
«Քանի դեռ «Նոան» և մի քանի այլ ակումբներ ակումբային ֆուտբոլին նոր որակ են տալիս, Պրեմիեր լիգայի ակումբներից մեկը գարշելի երևույթով է զբաղվում։
Ահավորն այն է, որ այդ ապիկարները դա անում են ԲԿՄԱ-ի դեմ խաղում, որտեղ բոլորը Հայաստանի հավաքականների անդամներ են։ Գործը հիմնականում գլուխ են բերում թիմի լեգեոնականները ու նաև այլ խաղերում։ ՀՖՖ-ն բավարար ապացույցներ չունի կամ ուղղակի աչք է փակում դրա վրա։ Նախորդ մրցաշրջանում էլ մի թիմ ակնհայտ «ղումար» էր անում և որևէ պատիժ չստացավ։
Դա մի քանի տարի առաջ էլ դա լայն տարածված էր Առաջին խմբում ու համոզված չեմ, որ վերացել է։ Այս հիվանդության դեմն առնելը շատ կարևոր է։
Հ. Գ. ԲԿՄԱ-ի վերջին մրցակիցը «Փյունիկն» է եղել, բայց խոսքը, իհարկե, այդ թիմի մասին չէ»,- գրված է հայտարարությունում։
Արման Աբելյանն Armsport.am-ի հետ զրույցում մանրամասնել է, որ տվյալ թիմը, որի անունը տալ չի կարող, «ղումարով» է զբաղված ոչ թե բոլոր խաղերում, այլ` առանձին, ու, ոնց նշվել է տեքստում, դրանով զբաղված են մի քանի լեգեոներ։ Տվյալ թիմը հանդես է գալիս 90 տոկոս լեգեոներներով։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
