Անգլիական «Լիվերպուլը» պայմանավորվել է իտալական «Յուվենտուսի» հետ հարձակվող Ֆեդերիկո Կյեզայի տրանսֆերի շուրջ։ Այս մասին հայտնում է լրագրող Ֆաբրիցիո Ռոմանոն X սոցիալական ցանցում (նախկինում՝ Twitter):
Ըստ աղբյուրի՝ պայմանավորվածությունը ձեռք է բերվել 13 մլն եվրո կանխավճարի և հավելավճարների համար։ Ավելի վաղ հաղորդվում էր, որ հարձակվողի աշխատավարձը «Լիվերպուլում» չորս տարվա պայմանագրով կկազմի տարեկան 5 միլիոն եվրո։
Իտալական Ա Սերիայի ընթացիկ մրցաշրջանում 26-ամյա Ֆեդերիկո Կյեզան ոչ մի հանդիպում չի անցկացրել։ Ֆուտբոլիստի ներկայիս աշխատանքային պայմանագիրն ուժի մեջ է մինչև 2025 թվականի ամառը: Transfermarkt ինտերնետային պորտալում ներկայացված տեղեկատվության համաձայն՝ իտալացի ֆուտբոլիստի շուկայական արժեքը կազմում է 35 միլիոն եվրո:
2024 թվականի Եվրոպայի առաջնությունում Կյեզան Իտալիայի հավաքականի կազմում մասնակցել է չորս հանդիպման։
