ԵՎՐՈ-2024-ում հանդես եկած ֆուտբոլիստները մեկ օր առաջ են վերադարձել «Մանչեսթեր Սիթի»։ Այդ խաղացողներից մեկը կիսապաշտպան Կևին Դե Բրույնեն էր։
«Քաղաքայինների» մամուլի ծառայությունը հրապարակել է Դե Բրույնեի լուսանկարը արտասովոր սանրվածքով. բելգիացին մազերը հետ է սանրել, ինչպես սովորաբար անում է իր թիմակից Էրլինգ Հոլանդը։
Ամառային տրանսֆերային պատուհանի ժամանակ շատ էին խոսակցությունները դե Բրույնեի հեռանալու մասին։ Սակայն ամեն ինչ տանում է դեպի նրան, որ բելգիացին առնվազն մեկ մրցաշրջան էլ կանցկացնի «Մանչեսթեր Սիթիում»։
Նշենք, որ Կևինի գործող պայմանագրի ժամկետը մանչեսթերյան ակումբի հետ նախատեսված է մինչև 2025 թվականի կեսերը:
