ՈՒԵՖԱ-ի պաշտոնական կայքում փոխվել է Իսպանիայի հավաքականի՝ Եվրո-2024-ի կիսաեզրափակչի Ֆրանսիայի հետ խաղում խփված երկրորդ գոլի մասին տեղեկատվությունը։
Ի սկզբանե նշվում է, որ Ֆրանսիայի հավաքականի պաշտպան Ժյուլ Կունդեին դարձել է ինքնագոլի հեղինակ, բայց հետո գոլի հեղինակը փոխվել է. ըստ ՈՒԵՖԱ-ի՝ ֆրանսիացիների դարպասը գրավել է Իսպանիայի հավաքականի կիսապաշտպան Դանիել Օլմոն։
Նշենք՝ հանդիպման հաշիվն 9-րդ րոպեին բացել է ֆրանսիացի հարձակվող Ռանդալ Կոլո Մուանին, իսկ 21-րդ րոպեին հաշիվը հավասարեցրել է 16-ամյա կիսապաշտպան Լամին Յամալը։
Դանիել Օլմոն ավելի վաղ գոլի հեղինակ էր դաձել նաև Գերմանիայի հավաքականի դեմ Եվրո-2024-ի 1/4 եզրափակչի, ինչպես նաև Վրաստանի հետ 1/8 եզրափակչի խաղերում։ Այսպիսով, նա դարձել է Իսպանիայի հավաքականի պատմության մեջ առաջին խաղացողը, որը գոլ է խփել միջազգային խոշոր մրցաշարի փլեյ-օֆֆի երեք խաղում անընդմեջ։
